લોકસભાના ભાજપના ઉમેદવાર અમિત શાહ ૩૦મી માર્ચે ઉમેદવારીપત્ર ભરવા ગાંધીનગર આવશે. આ દરમિયાન તેઓ ગાંધીનગરના ભાજપ કાર્યાલયથી સવારે 10 વાગ્યાથી ગાંધીનગર કલેક્ટર કચેરી સુધી રોડ શૉ કરશે. જેમાં ઢોલ નગારા સાથે કાર્યકર્તાઓ અને આગેવાનો જોડાશે. બપોરે 12: 39 ના વિજય મુહૂર્તમાં અમિત શાહ ઉમેદવારીપત્ર ભરશે. લોકસભામાં આવતા ધારાસભ્યોને જવાબદારી: ખાસ અમિત શાહ ભાજપના રાષ્ટ્રીય અધ્યક્ષ હોવાથી તેમના ઉમેદવારીપત્ર ભરવામાં પ્રદેશ નેતાઓથી માંડીને ગાંધીનગર લોકસભામાં આવતી વિધાનસભાના ધારાસભ્યો અને આગેવાનોને ખાસ વ્યવસ્થા સોંપવામાં આવી છે.
પ્રભારી પણ દોડી આવ્યા: અમિત શાહના ઉમેદવારીપત્ર ભરવા સમયે યોજાનારા રોડ શૉને એક શક્તિ પ્રદર્શન બનાવી દેવા માટે ભાજપના પ્રભારી ઓમ માથુર પણ ગુજરાત આવી ગયા છે. કમલમ્ ખાતે ગાંધીનગર લોકસભા સહિતના પ્રદેશના સ્થાનિક આગેવાનો સાથે બેઠકો કરીને અમિત શાહના ઉમેદવારીપત્ર ભરવા સમયે વધુમાં વધુ સંખ્યા ભેગી કરવા માટેનો ટાર્ગેટ આપવામાં આવ્યો છે.
