Face Of Nation 09-05-2022 : રાજ્યમાં છેલ્લા બે દિવસથી અકસ્માતમાં મોતના બનાવ વધ્યાં છે. સોમવારે મોડાસા-અમદાવાદ હાઈ-વે પર મોડાસા-દહેગામ રૂટની ગુજરાત એસટીની મિનિ બસ અને કાર વચ્ચે ગોઝારો અકસ્માત સર્જાયો હતો. અકસ્માતમાં પિતા-પુત્ર અને ભત્રીજો એમ એક જ પરિવારના 3 સભ્યોના ઘટનાસ્થળે મોત થયા હતા. અકસ્માતમાં ચારથી વધુ લોકોને ઈજા પહોંચતા સારવાર અર્થે હોસ્પિટલ ખસેડાયા હતા.
એક જ પરિવારના 3 લોકોના કમકમાટીભર્યા મોત
મળતી માહિતી અનુસાર, સાબરકાંઠા જિલ્લામાં મોડાસા-અમદાવાદ હાઇવે પર તલોદ નજીક એક ગમખ્વાર અકસ્માત સર્જાયો હતો. તલોદના દેગમાળ તળાવ પાસે ગુજરાત એસટીની મિનિ બસ અને અર્ટિકા કાર સામસામે ધડાકાભેર અથડાયા હતા. જેમાં એક જ પરિવારના ત્રણ લોકોના કમકમાટીભર્યા મોત થયા હતા. મૃતકમાં ઝાલા વકતુસિંહ લક્ષણસિંહ, ઝાલા આદરસિંહ લક્ષ્મણસિંહ, ઝાલા જેસલસિંહ બચૂસિંહનું ઘટના સ્થળે મોત નીપજ્યા હતા.
આસપાસથી સ્થાનિક લોકોના ટોળેટોળા ઉમટ્યા, ટ્રાફિક જામ
અકસ્માતના બનાવને પગલે હાઈવે પર ટ્રાફિક જામ સર્જાયો હતો. ઘટનાસ્થળે આસપાસથી સ્થાનિક લોકોના ટોળેટોળા ઉમટ્યા હતા. ત્યારબાદ લોકોએ ઘટનામાં ભોગ બનેલા ચારથી વધુ ઇજાગ્રસ્ત લોકોને 108 એમ્બ્યુલન્સ મારફતે સારવારાર્થે સિવિલ હોસ્પિટલમાં ખસેડવામાં આવ્યા હતા. અકસ્માતના બનાવની તલોદ પોલીસને જાણ કરાતાં પોલીસ ઘટના સ્થળે દોડી હતી અને આગળની કાર્યવાહી હાથ ધરી હતી.(આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
