Face Of Nation 14-04-2022 : બ્રિટનના પ્રધાનમંત્રી બોરિસ જોન્સન આગામી 20મીથી 24 એપ્રિલ સુધી ભારતની મુલાકાતે આવી શકે છે. આ દરમિયાન તેઓ 21મી એપ્રિલે પોતાના ભારત પ્રવાસના ભાગ રૂપે ગુજરાતની મુલાકાત લેવાની શક્યતા છે. ગત વર્ષે પણ બોરિસ જોન્સન ભારત મુલાકાતે આવવાના હતા, પરંતુ કોરોનાના કારણે બે વખત તેમનો પ્રવાસ કેન્સલ કરવામાં આવ્યો હતો. હજુ સુધી બ્રિટિશ પ્રધાનમંત્રીના ભારત પ્રવાસનું શેડ્યુલ તૈયાર કરવામાં આવી રહ્યું છે. માનવામાં આવી રહ્યું છે કે, ગુજરાતની મુલાકાત દરમિયાન તેઓ આખો દિવસ અમદાવાદ અને વડોદરામાં પસાર કરી શકે છે. અમદાવાદમાં પ્રધાનમંત્રી જોન્સન વિશ્વભરમાં જાણીતા બનેલા સાબરમતી ગાંધી આશ્રમની તથા વડોદરામાં તેઓ કન્સ્ટ્રક્શન સાધનો બનાવતી બ્રિટિશ કંપની JCBના મેન્યુફેક્ચરિંગ પ્લાન્ટની પણ મુલાકાત લે તેવી શક્યતા છે. તો બીજીતરફ નોંધનીય છે કે, થોડા સમય પહેલા જ બ્રિટિશ ફોરેન સેક્રેટરી અને ભારતના વિદેશમંત્રી વચ્ચે બેઠક યોજાઈ હતી. બ્રિટિશ પ્રધાનમંત્રીના ભારત મુલાકાતનો હેતુ બંને દેશો વચ્ચેના સંબંધને વધુ મજબૂત કરવા અને હાલમાં ચાલી રહેલા ભારત-યુકે ફ્રી ટ્રેડ એગ્રીમેન્ટ પર વાટાઘાટો કરવાનો હશે.(આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
