Face Of Nation 09-05-2022 : ખોડલધામના ચેરમેન નરેશ પટેલ ચૂંટણી આવે એટલે રાજકીય રાગ આલાપવાનું શરૂ કરી દે છે. એક સમયે પરિવાર પણ રાજકારણમાં જોડાવા ના પાડી રહ્યો હતો. પરંતુ આ વખતે વિધાનસભાની ચૂંટણી પહેલા જ પરિવારે પણ રાજકારણમાં જોડાવા મંજૂરી આપી દીધી છે. ત્યારે નરેશ પટેલ રાજકારણમાં જોડાશે કે નહીં તે અંગે છેલ્લા બે મહિનાથી અટકળો ચાલી રહી છે. 1 મહિનાથી નરેશ પટેલ ભાજપ-કોંગ્રેસના દિગ્ગજ નેતાઓ સાથે બેઠક અને મુલાકાત કરી રહ્યા છે. આ બધાની વચ્ચે આજે સવારે 8.45 વાગ્યાની ફ્લાઈટમાં દિલ્હી જવા રવાના થયા છે. હવે દિલ્હીમાં કઈ પાર્ટીના હાઇકમાન્ડને મળશે તે મોટુ સસ્પેન્સ છે.
દિલ્હીમાં રાજકીય અગ્રણીઓ સાથે ચર્ચા કરી શકે છે
શનિવારે કોંગ્રેસના નેતા અર્જુન મોઢવાડિયા સાથે નરેશ પટેલે બેઠક કરી હતી. બંને વચ્ચે રાજકોટના સરદાર પટેલ ભવન ખાતે બંધબારણે બેઠક યોજાઈ હતી. આ બેઠકમાં નરેશ પટેલને કોંગ્રેસમાં લાવવાની વાત થયાનું સુત્રો પાસેથી જાણવા મળ્યું છે. નરેશ પટેલ રાજકારણમાં પ્રવેશ અંગે મુદ્દત પર મુદ્દત પાડી રહ્યા હોવાથી ચર્ચાનો વિષય બન્યો છે. પરંતુ આજે રાજકારણમાં પ્રવેશ માટે દિલ્હીમાં રાજકીય અગ્રણીઓ સાથે ચર્ચા કરી શકે છે. નરેશ પટેલના રાજકીય પ્રવેશને લઈને હજુ પણ સમય લાગી શકે તેવા સંકેતો જોવા મળી રહ્યા છે. છેલ્લા એક મહિનાથી ક્યારેક કોંગ્રેસ તો ક્યારેક ભાજપના નેતાઓ સાથે જોવા મળી રહ્યા છે.
6 દિવસ પહેલા ભાજપના 4 ધારાસભ્યો સાથે બેઠક
6 દિવસ પહેલા અમદાવાદના ઠક્કરબાપાનગરના ધારાસભ્ય વલ્લભ કાકડિયા સાથે ડીસાના ધારાસભ્ય શશીકાંત પંડ્યા, ધરમપુરના ધારાસભ્ય અરવિંદ પટેલ અને અમદાવાદના અમરાઈવાડીના ધારાસભ્ય જગદીશ પટેલ ખોડલધામ આવ્યા હતા. આ ચારેય ધારાસભ્ય ખોડલધામમાં ખોડિયાર માતાજીના દર્શને આવ્યા હતા. ત્યારે ખોડલધામથી નીકળતી વખતે નરેશ પટેલ સાથ મુલાકાત થઈ હતી. આ એક શુભેચ્છા મુલાકાત હોવાની પણ વાત બહાર આવી હતી. આ ચારેય નેતાઓએ ખોડલધામમાં મા ખોડલ સમક્ષ શિશ ઝુકાવ્યા બાદ નરેશ પટેલ સાથે મુલાકાત કરી હતી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
