Face Of Nation 01-06-2022 : ભાવનગર શહેરની નજીક આવેલ નવાબંદર રોડ આજે વહેલી પરોઢે સ્વીફ્ટ કાર અને ટ્રક વચ્ચે અકસ્માતની ગોઝારી ઘટના બની છે અને જેમાં ચાર લોકોના સ્થળ પર મોત નિપજ્યા છે. કારમાં સવાર ચારેય લોકો નવાબંદરથી ભાવનગર તરફ જતા હતા અને ખાલી ટ્રક નવાબંદર કોલસા ભરવા જઈ રહી હતી ત્યારે આ ગોઝારો અકસ્માત સર્જાયો હતો.
કારમાં સવાર ચારના સ્થળ પર મોત નિપજ્યા
હૈયું હચમચાવતી ઘટનાની મળતી વિગતો મુજબ ભાવનગર શહેરના નવાબંદર રોડ પર આજે વહેલી સવારે સ્વીફ્ટ કાર અને ટ્રક વચ્ચે ધડાકાભેર અકસ્માતની દુર્ઘટના સર્જાઇ છે. સ્વીફ્ટ કારમાં સવાર ચાર લોકોના સ્થળ પર મોત નિપજ્યા હતા બનાવને લઈ 108 અને પોલીસનો કાફલો ઘટના સ્થળે દોડી ગયો છે. તો બીજીતરફ હાલ કારમાં સવાર ચાર લોકોના ફસાયેલા મૃતદેહને બહાર કાઢી પીએમ અર્થે ભાવનગર સિવિલ હોસ્પિટલમાં મોકલાયા છે. ઘટનાને પગલે પંથકમાં અરેરાટી મચી જવા પામી છે. મૃતકોના પરિવારજનોમાં આ કારમા બનાવને પગલે ભારે શોક વ્યાપી જવા પામ્યો છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
