Face Of Nation 02-08-2022 : આમિર ખાન ચાર વર્ષ બાદ ફિલ્મ ‘લાલ સિંહ ચઢ્ઢા’માં જોવા મળશે. આ ફિલ્મ 11મી ઓગસ્ટે રિલીઝ થવાની છે. આમિર ખાનના ચાહકો આ ફિલ્મની આતુરતાથી રાહ જોઈ રહ્યા છે તો બીજી બાજુ સો.મીડિયામાં આ ફિલ્મને બોયકોટ કરવાનો ટ્રેડ પણ જોવા મળ્યો છે. સોશિયલ મીડિયામાં આ ટ્રેન્ડ થતાં જ આમિર ખાને પણ આ અંગે વાત કરી હતી. આમિરે કહ્યું હતું કે કેટલાક લોકોને લાગે છે કે તે દેશને પ્રેમ કરતો નથી, પરંતુ આ વાત સાચી નથી. આ રીતના ટ્રેન્ડ જોઈને તે દુઃખી થયો હતો.
ફિલ્મ ના જોવાની અપીલ કરવામાં આવી
સો.મીડિયામાં #BoycottLaalSinghChaddha ટ્રેન્ડ કરી રહ્યું છે. આમિર ખાન તથા કરીના કપૂરની આ ફિલ્મ ના જોવાની અપીલ કરવામાં આવી છે. આમિર તથા કરીનાનાં જૂનાં નિવેદનોને યાદ કરીને હવે સોશિયલ મીડિયા યુઝર્સે આ ફિલ્મ જોવાની ના પાડે છે. તો બીજીતરફ સો.મીડિયામાં યુઝર્સનો આક્રોશ જોઈને આમિરની ફિલ્મની કમાણી પર અસર પડશે કે નહીં એ અંગે ચર્ચા થવા લાગી છે. આ આક્રોશ ફિલ્મનો બિઝનેસ ઘટાડે છે કે નહીં એ તો 11મી ઓગસ્ટે ખબર પડશે, પરંતુ હાલમાં મેકર્સ નેગેટિવ ટ્રેન્ડને કારણે ચિંતામાં છે. 11મી ઓગસ્ટે અક્ષય કુમારની ફિલ્મ ‘રક્ષાબંધન’ પણ રિલીઝ થવાની છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
