Face Of Nation 1-07-2022 : ભગવાન જગન્નાથજીની રથયાત્રામાં લોકો અલગ અલગ રીતે પોતાનો ભાવ પ્રગટ કરવા સેવામાં લાગેલા હોય છે. ત્યારે અખિલ ભારતીય વિદ્યાર્થી પરિષદ (ABVP)ના યુવા કાર્યકરો રથયાત્રાના પસાર થયા બાદ તે રૂટને સ્વચ્છ કરવામાં લાગેલા જોવા મળ્યા હતાં. વિદ્યાર્થી પરિષદના ‘સેવા સંગઠન’ નામના બેનર હેઠળ આજની રથયાત્રામાં 200 જેટલા યુવા કાર્યકર્તાઓ સાફ-સફાઈની કામગીરીમાં લાગ્યા છે.
2019ની રથયાત્રાથી સેવાનું કામ શરૂ કરાયું
સ્વચ્છતા અભિયાનની શરૂઆત વર્ષ 2019ની રથયાત્રાથી કરવામાં આવી હતી, ત્યાર પછી આજે બીજી રથયાત્રા છે કે જ્યાં યુવા કાર્યકર્તાઓ રથયાત્રા પસાર થયા બાદ તે રૂટને સ્વચ્છ કરતા જોવા મળ્યા છે. આ બાબતે વિદ્યાર્થી પરિષદના મીડિયા સંયોજક મિત ભાવસારે દિવ્યભાસ્કર સાથે વાત કરતા જણાવ્યું કે જગન્નાથપુરીમાં આજ પ્રકારે વર્ષ 2017થી આ અભિયાનની શરૂઆત કરવામાં આવી હતી. ત્યાર બાદ બે વર્ષથી અમદાવાદની રથયાત્રામાં આ સેવાકીય કાર્યમાં તેઓ લાગેલા છે.
રાજ્યભરમાંથી કાર્યકર્તાઓને બોલાવાયા
રથયાત્રા પસાર થયા બાદ તે રોડ પર મોટી માત્રામાં ગંદકીનું પ્રમાણ સર્જાતું હોય છે. ત્યારે સફાઈકર્મીઓ પર કામનું ધારણ ઘટે અને તેમને મદદરૂપ થવાય તે હેતુથી આ કામગીરીમાં અમે લાગ્યા છીએ. આ વર્ષે રાજ્યભરમાંથી અલગ અલગ સ્થાન પરથી કાર્યકર્તાઓને બોલાવવામાં આવ્યા હતા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
