Face Of Nation 26-05-2022 : થોડાં દિવસ પહેલાં જ 20 વર્ષીય બંગાળી એક્ટ્રેસ પલ્લવી ડેએ ઘરમાં પંખા સાથે લટકીને આત્મહત્યા કરી હતી. હવે વધુ એક બંગાળી એક્ટ્રેસે આ જ રીતે સુસાઇડ કર્યું છે. સૂત્રોના જણાવ્યા પ્રમાણે, 21 વર્ષીય મોડલ તથા એક્ટ્રેસ બિદિશા ડે મજૂમદારે ઘરમાં આત્મહત્યા કરી હતી. બિદિશાએ 2021માં શોર્ટ ફિલ્મ ‘ભારઃ ધ ક્લાઉન’થી ડેબ્યૂ કર્યું હતું.
ફ્લેટમાં લાશ મળી, પોલીસે દરવાજો તોડવો પડ્યો
મીડિયા રિપોર્ટ્સ પ્રમાણે, 21 વર્ષીય બંગાળી એક્ટ્રેસ બિદિશા છેલ્લાં ચાર મહિનાથી નગર બાઝાર સ્થિત ફ્લેટમાં ભાડેથી રહેતી હતી. એક્ટ્રેસ પોતાના પેરેન્ટ્સ સાથે અહીંયા રહેતી હતી. એક્ટ્રેસે આત્મહત્યા કરી હતી. તો બીજીતરફ પોલીસ દરવાજો તોડીને એક્ટ્રેસના ફ્લેટની અંદર ગઈ હતી. ઘર અંદરથી બંધ હતું. જ્યારે દરવાજો તોડવામાં આવ્યો ત્યારે બિદિશાની લાશ પંખા સાથે લટકતી હતી. પોલીસે પોસ્ટમોર્ટમ માટે ડેડબૉડી હોસ્પિટલ મોકલી આપી છે. પોલીસે કહ્યું હતું કે જ્યારે બિદિશાએ આત્મહત્યા કરી ત્યારે તે ઘરમાં એકલી હતી.
સુસાઇડ નોટ પણ મળી, ડિપ્રેશનમાં હતી
બિદિશાના ઘરમાંથી સુસાઇડ નોટ પણ મળી છે. સુસાઇડ નોટમાં દાવો કરવામાં આવ્યો છે કે તે કેન્સરથી પીડિત છે. જોકે, બિદિશાના મિત્રોએ એમ કહ્યું હતું કે તેને કેન્સર નહોતું. કેન્સર હોવાની વાત સાવ ખોટી છે. તો બીજીતરફ નિકટના મિત્રોએ દાવો કર્યો હતો કે બિદિશા બોયફ્રેન્ડને કારણે ડિપ્રેશનમાં હતી. બિદિશાનો બોયફ્રેન્ડ અનુભાબે તેની સાથે વિશ્વાસઘાત કર્યો હતો. બિદિશા સાથે સંબંધો હોવા છતાં અનુભાબના અન્ય ત્રણ યુવતીઓ સાથે સંબંધો હતો. આ વાતની બિદિશાને જાણ થતાં તેણે ઝઘડો કર્યો હતો અને તેથી જ તે કેટલાંક દિવસોથી ડિપ્રેશનમાં હતી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
