Face Of Nation:દેશના પાંચ રાજ્યો ભારે વરસાદના કારણે પૂરમાં ફસાયેલા છે. કેરળ, કર્ણાટક, આંધ્રપ્રદેશ, મહારાષ્ટ્ર અને ગુજરાતમાં અત્યાર સુધીમાં કુદરતના કહેરના કારણે 241 લોકોના જીવ ગયા છે. હવામાન વિભાગે રાજસ્થાન અને પંજાબમાં ભારે વરસાદનું એલર્ટ જાહેર કર્યું છે. એટલું જ નહી મધ્યપ્રદેશ અને હિમાચલ પ્રદેશમાં પણ ભારે વરસાદ થઈ શકે છે.દેશના ઘણા રાજ્યો ભારે વરસાદના કારણે પૂરમાં ફસાયેલા છે. ઉત્તરાખંડ સહિત દેશના અનેક ભાગોમાં વરસાદ અને પૂરનો પ્રકોપ ચાલી રહ્યો છે. પહાડી રાજ્યોમાં ભારે વરસાદના કારણે ભૂસ્ખલન થઈ રહ્યું છે. અનેક જગ્યાઓ પર વાદળ ફાટવાની ઘટનાઓ પણ બની છે. હવામાન વિભાગે ઉત્તરાખંડમાં 2 દિવસ સુધી ભારે વરસાદનુ એલર્ટ જાહેર કર્યું છે.
