Face Of Nation 06-07-2022 : અમેરિકાના ઇન્ડિયાનામાં ફાયરિંગની ઘટના બની છે. આ ઘટનામાં 10 લોકોને ગોળી લાગી હતી, જે પૈકી 3 લોકોના મોત થયા છે. ગૈરી પોલીસે આપેલી માહિતી પ્રમાણે હૉલિડે પાર્ટી સમયે ફાયરિંગની ઘટના બની હતી. છેલ્લા 24 કલાકમાં ફાયરિંગની આ સતત બીજી ઘટના બની છે. આ અગાઉ સોમવારે શિકાગોમાં ફ્રીડમ ડે પરેટ સમયે પણ ફાયરિંગ થયું હતું, જેમાં 6 લોકોના મોત થયા હતા.આ અગાઉ 13 જૂનના રોજ ગૈરીમાં જ એક નાઈટ ક્લબમાં ફાયરિંગ થયું હતું,જેમાં બે લોકોએ જીવ ગુમાવ્યા હતા. આ ઘટનામાં 4 લોકો ઈજાગ્રસ્ત થયા હતા. શૂટિંગ બાદ ગૈરીની નાઈટ ક્લબ બંધ કરી દેવામાં આવી હતી.
લોકો બૂમો પાડતા હતા-કોઈ શૂટર છે…કોઈ શૂટર છે…
હાઈલેન્ડ પાર્કમાં આ ઘટનાને નજરે જોનાર ડેબી ગ્લિકમેને જણાવ્યું હતું કે, હું મારા સાથીઓ સાથે પરેડ ફ્લોટ પર ઉપસ્થિત હતો. ઓચિંતા જ લોકો બૂમો પાડવા લાગ્યા હતા. લોકો ખૂબ જ ડરેલા હતા અને જીવ બચાવવા ભાગી રહ્યા હતા. તેઓ કહેતા હતા કે અહીંથી ભાગો…કોઈ શૂટર છે…કોઈ શૂટર છે…ફાયરિંગ કરી રહ્યા છે.
શિકાગોમાં ફ્રીડમ પરેડમાં પણ ફાયરિંગ થયેલું
છઠ્ઠી જુલાઈએ અમેરિકાના સ્વતંત્રતા દિવસ નિમિત્તે શિકાગોમાં ફ્રીડમ ડે પરેડમાં ફાયરિંગ થયું હતું. આ ઘટના શિકાગોના ઉપનગર હાઈલેન્ડ પાર્કમાં સર્જાઈ હતી. ઈલેનૉય રાજ્યના ગવર્નર જેબી પ્રિત્ઝકરે 6 લોકોના મોત થયા હોવાની અને 16 લોકો ઈજાગ્રસ્ત થયા હોવાની માહિતી આપી હતી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
