Face Of Nation 21-04-2022 : પ્રધાનમંત્રી નરેન્દ્ર મોદી ગુરુ શ્રી તેગ બહાદુરના 400મા પ્રકાશ પર્વના નિમિતે લાલ કિલ્લાથી સંબોધન કરી એક નવો ઈતિહાસ રચ્યો છે. પ્રધાનમંત્રી મોદીએ આ નિમિતે વિશેષ સિક્કા અને ટપાલ ટીકિટ ઈશ્યુ કર્યાં છે. તેમણે કહ્યું કે, દેશ નિષ્ઠા સાથે ગુરુઓના આદર્શો પર આગળ વધી રહ્યો છે. આજે સમગ્ર દેશ એકજૂટ થઈ આ પર્વ નિમિતે સાથે આવ્યો છે. સૌ એક જ સંકલ્પ સાથે આગળ વધી રહ્યા છીએ. આપણા ગુરુઓએ જ્ઞાન અને આધ્યાત્મ સાથે જ સમાજ અને સંસ્કૃતિની જવાબદારી ઉપાડી છે. ભાતર ભૂમિ વિરાસત નહીં એક પરંપરા છે. ભારત ભૂમિ એક મહાન આત્મા છે.
તમામ દેશ ગુરુઓના ચરણોમાં નમન કરું છું : મોદી
આ અગાઉ વર્ષ 2019માં અમે ગુરુનાનક દેવના 550મા પ્રકાશ પર્વ અને 2017માં ગુરુ ગોવિંદ સિંહના 350મા પ્રકાશ પર્વની ઉજવણીની પણ તક મળી હતી. મને ખુશી છે કે આજે આપણો દેશ સંપૂર્ણ નિષ્ઠા સાથે આપણા ગુરુઓના આદર્શો પર આગળ વધી રહ્યો છે. આ પુણ્ય અવસર નિમિતે તમામ દેશ ગુરુઓના ચરણોમાં નમન કરું છું. હું સૌને, દેશવાસીઓને અને સમગ્ર વિશ્વમાં ગુરુવાણીમાં આસ્થા રાખનાર સૌ લોકોને પ્રકાશ પર્વ નિમિતે હાર્દિક અભિનંદન પાઠવું છું. અત્રે ઉલ્લેખનીય છે કે પ્રધાનમંત્રી મોદી સ્વતંત્ર ભારતના એકમાત્ર એવા પ્રધાનમંત્રી છે કે, જે સૂર્યાસ્ત બાદ લાલ કિલ્લા પરથી સંબોધન કર્યું છે. આ પ્રસંગે અનેક કાર્યક્રમની તૈયારી કરવામાં આવી છે.(આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
