સુરત:સરદાર માર્કેટ નજીક ટ્રસ્ટની જમીન પર હપ્તા વસૂલીને લઈ બે ગેંગ વચ્ચે હાથાપાઈ

યુસુફ બીડી અને વસીમ બિલ્લા વચ્ચે વોર
પાસામાંથી છૂટીને આવેલા આરોપીની મારામારી

Face OF Nation:સુરત: સહારા દરવાજાથી આગળ આવેલી સરદાર માર્કેટ નજીકની જમીનની હપ્તા વસૂલી મુદ્દે બે ગેંગ વચ્ચે મારામારીના દ્રશ્યો સર્જાયા હતાં.પારસી ટ્રસ્ટની જગ્યાના હપ્તા વસૂલી માટે માટે યુસુફ બીડી અને વસીમ બિલ્લા ગેંગ વચ્ચે વોર સર્જાયું હતું. પાસામાંથી બે દિવસ પહેલા છૂટીને આવેલા અને રીઢા આરોપીની છબી ધરાવતો વસીમ બિલ્લા ફરી ગુના કરવામાં સક્રિય થયો હોત તેમ યુસુફ બીડી પર હુમલો કરવામાં આવ્યો હતો. વસીમ બિલ્લાએ અગાઉ દાઉદી વોહરા સમાજના અગ્રણી પર હુમલો કર્યો હતો.

20 લાખ રૂપિયા માંગ્યાઃયુસુફ

ભરૂચના યુસુફે જણાવ્યું હતું કે, બે દિવસ અગાઉ મારી પાસે 20 લાખ રૂપિયા મંગાયા હતાં. મેં રૂપિયા આપવાની ના પાડી દીધી હતી. બાદમાં ગત રાત્રે બિલ્લા તેના ચારેક સાગરિતો સાથે આવ્યો હતો. હું માર્કેટમાં માલ સામાન વેચીને બાઈક પર નિરાંતે બેઠો હતો એ દરમિયાન સવારના ચારેક વાગ્યા આવીને પાટું માર્યુ હું નીચે પડી ગયો બાદમાં મને લોકોએ બચાવ્યો પરંતુ તેમ છતાં મારી પર ચાકુથી હુમલો કર્યો હતો. મને લોકો હોસ્પિટલમાં સારવાર માટે લઈ આવ્યા છે. હાલ પોલીસમાં ફરિયાદ આપી છે.