નવજોત સિંહ સિદ્ધુ ફરી એકવાર વિવાદોમાં ફસાયા છે. નવજોત સિંહ સિદ્ધુ પંજાબ કોંગ્રેસ ભવનમાં પ્રેસ કોન્ફરન્સ કરી રહ્યા હતા, જેમાં તેઓ ચરણજીત સિંહ ચન્ની સરકારની યોજનાઓ વિશે જણાવી રહ્યા હતા. આ કોન્ફરન્સમાં પત્રકારો પ્રશ્નોત્તરી કરી રહ્યા હતા. જ્યારે તેમને રાજ્ય સરકાર દ્વારા વિતરણ કરવામાં આવતા લેબર કાર્ડ અંગે પ્રશ્ન પૂછવામાં આવ્યો ત્યારે તેમણે ચન્ની સરકારની યોજના વિશે જણાવવાનું શરૂ કર્યું અને વાતમાં ગાળો ભાંડી.
સિદ્ધુએ કહ્યું, ‘હું કહું છું કે અમારી સ્કીમ એવી નથી.. અમારી અર્બન ગેરંટી કોઈએ આપી છે…@#$@@@..’ અને વાત ચાલુ રાખી. ન્યૂઝ એજન્સીએ ટ્વિટર પર આ કેસનો વીડિયો શેર કર્યો છે.
નવજોત સિદ્ધુએ પ્રેસ કોન્ફરન્સમાં કહ્યું કે શહેરોમાં રહેતા કામદારો પાસે નોકરી નથી. પંજાબમાં શહેરી બેરોજગારી ગામડાઓ કરતા વધારે છે. ગામડાં કરતાં શહેરોમાં બેરોજગારી બમણી છે. તેમણે કહ્યું કે પંજાબ મોડલ શહેરી રોજગારનું વચન આપે છે, લોકોને નોકરીની ખાતરી આપે છે, અકુશળ લોકોને પણ નોકરીની ખાતરી આપે છે.
#WATCH | During a press conference in Chandigarh, Punjab Congress president Navjot Singh Sidhu answers a question on the distribution of Labour Cards by the State Government; uses a cuss word while speaking.
(Note: Abusive language) pic.twitter.com/3ErwNP4pGU
— ANI (@ANI) December 17, 2021
નવજોત સિદ્ધુએ કહ્યું કે પંજાબમાં 1% પણ કામદારો નોંધાયા નથી. જ્યારે સરકારને ખબર નથી કે કોણ જરૂરિયાતમંદ છે, કોણ ગરીબ છે, તો તેનો ફાયદો કોને અને કેવી રીતે થશે. આજ સુધી કોઈ સર્વે થયો નથી, તો કેવી રીતે ખબર પડે કે કોણ ગરીબ છે.
તેમણે કહ્યું કે ગેસ સિલિન્ડરની કિંમત બમણી થઈ ગઈ છે. પેટ્રોલ અને ડીઝલના ભાવ બમણા, રાંધણ તેલની કિંમત બમણી, દાળના ભાવ બમણા. જ્યારે આ ભાવ ડબલ થાય તો મોટા લોકોને વાંધો નથી, પરંતુ જ્યારે 250-300 રૂપિયા કમાતા મજૂર ટામેટાં-ડુંગળી લેવા જાય છે ત્યારે 250-300ની કિંમત 100 રહી જાય છે.
જેઓ એક જ કામ કરે છે, તેમનું દૈનિક વેતન એક હોવું જોઈએ. તેમણે કહ્યું કે તેમની સરકાર વેતન નક્કી કરશે. શ્રમજીવીની સામાજિક સુરક્ષા પર ભાર મૂકતાં તેમણે કહ્યું કે તમે અને હું બીમાર થઈએ તો તમારો પગાર કાપવામાં આવતો નથી, પરંતુ આ કામદારોનું શું? હાલમાં સરકારની યોજનાઓ જણાવતા સિદ્ધુ ફરી એકવાર પોતાના જ શબ્દોમાં ઘેરાયા છે.
