Face of Nation 26-12-2021: હિમાચલ પ્રદેશે વિજય હજારે ટ્રોફી 2021-22ની ફાઈનલમાં તમિલનાડુને હરાવીને ઈતિહાસ રચ્યો હતો. જયપુરના સવાઈ માનસિંહ સ્ટેડિયમમાં રમાયેલી ટાઈટલ મેચમાં હિમાચલનો 6 વિકેટે વિજય થયો હતો. પ્રથમ બેટિંગ કરતા તમિલનાડુએ 49.4 ઓવરમાં 314 રન બનાવ્યા, જવાબમાં હિમાચલે 47.3 ઓવરમાં 299 રન બનાવ્યા, પરંતુ મેચની અંતિમ સમયે અંધારું છવાય ગયું. આ પછી VJD પદ્ધતિ હેઠળ હિમાચલને વિજેતા જાહેર કરવામાં આવ્યું હતું. તમને જણાવી દઈએ કે હિમાચલે પહેલીવાર કોઈ ડોમેસ્ટિક ટૂર્નામેન્ટ જીતી છે. હિમાચલે પ્રથમ વખત વિજય હજારે ટ્રોફી જીતી હતી.
THAT. WINNING. FEELING! 👏 👏
The @rishid100-led Himachal Pradesh beat Tamil Nadu to clinch their maiden #VijayHazareTrophy title. 🏆 👍#HPvTN #Final
Scorecard ▶️ https://t.co/QdnEKxJB58 pic.twitter.com/MeUxTjxaI1
— BCCI Domestic (@BCCIdomestic) December 26, 2021
હિમાચલ પ્રદેશની જીતમાં યુવા ઓપનર શુભમ અરોરાએ મોટી ભૂમિકા ભજવી હતી. તેની માત્ર 8મી લિસ્ટ A મેચ રમતા શુભમ અરોરાએ 131 બોલમાં અણનમ 136 રન બનાવ્યા હતા. શુભમ અરોરાએ પોતાની સદીમાં 13 ચોગ્ગા અને એક છગ્ગા ફટકાર્યા હતા. અમિત કુમારે પણ 74 રનની શાનદાર ઈનિંગ રમી હતી.
અંતમાં કેપ્ટન ઋષિ ધવને 23 બોલમાં અણનમ 42 રન બનાવીને પોતાની ટીમને ચેમ્પિયન બનાવી હતી. તમિલનાડુ માટે વિકેટકીપર દિનેશ કાર્તિકે 116 અને બાબા ઈન્દ્રજીતે 80 રન બનાવ્યા હતા. શાહરૂખ ખાને પણ 21 બોલમાં 42 રન બનાવ્યા, પરંતુ આ ત્રણ ઈનિંગ્સ તમિલનાડુને જીતવા માટે અપૂરતી સાબિત થઈ.
315 રનના લક્ષ્યાંકનો પીછો કરતા હિમાચલ પ્રદેશની શરૂઆત સારી રહી હતી. પ્રશાંત ચોપરાએ શુભમ અરોરા સાથે અડધી સદીની ભાગીદારી કરી હતી. જોકે, 9મી ઓવરમાં સ્પિનર સાંઈ કિશોરે પ્રશાંત ચોપરાને 21 રને આઉટ કરીને હિમાચલને પહેલો ઝટકો આપ્યો હતો. વોશિંગ્ટન સુંદરે દિગ્વિજય રંગીને શૂન્યમાં આઉટ કરી હિમાચલ પ્રદેશને બીજો ફટકો આપ્યો હતો. નિખિલ ગંગટા પણ 18 રન બનાવીને આઉટ થયો હતો. આ પછી શુભમ અરોરા અને અમિત કુમારે હિમાચલની ઇનિંગને આગળ વધારી હતી. બંનેએ ચોથી વિકેટ માટે 148 રનની ભાગીદારી કરીને તમિલનાડુના જીતના ઈરાદાઓને ચકનાચૂર કરી દીધા હતા.
અમિત કુમારને 74 રન પર આઉટ કરીને તમિલનાડુને મેચમાં પરત લાવવાનો પ્રયાસ કર્યો હતો. જો કે આવું ન થયું, હિમાચલના કેપ્ટન ઋષિ ધવને 23 બોલમાં 42 રન બનાવ્યા અને આ દરમિયાન શુભમ અરોરાએ પોતાની લિસ્ટ A કરિયરની પ્રથમ સદી પણ ફટકારી. જ્યારે મેચ રોમાંચક તબક્કામાં હતી અને હિમાચલ પ્રદેશને 15 બોલમાં 16 રનની જરૂર હતી, ત્યારે ખરાબ પ્રકાશને કારણે રમત બંધ કરવામાં આવી હતી. અંતે, હિમાચલની ટીમને વીજેડીના નિયમ હેઠળ વિજેતા જાહેર કરવામાં આવી હતી.
કેરળના સિવિલ એન્જિનિયર વી જયદેવને આ નિયમ બનાવ્યો છે. મેચમાં ખરાબ પ્રકાશને કારણે, અમ્પાયરોએ VJD નિયમ દ્વારા મેચનું પરિણામ આપે છે. તેના સ્કોરની ગણતરી અનેક સ્કેલ પર કરવામાં આવે છે. અનુમાનિત સ્કોર પ્રમાણે ટીમને ટાર્ગેટ આપવો અથવા વિજેતા જાહેર કરાય છે.આ નિયમનો ઉપયોગ માત્ર ODI અને T20 મેચોમાં થાય છે.(આપની આસપાસ બનતી માહિતીના ફોટા કે વિડીયો અથવા આપની રજુઆત કે જેને તમે સમાચારમાં સ્થાન આપવા માંગતા હોવ તેને અમને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1. ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
