હેડ ઓ સ્ટેટ નામના બેન્કવેટમાં દારૂ પીધેલી હાલતમાં 8 નબીરાઓને વસ્ત્રાપુર પોલીસે ઝડપ્યા
Face of Nation:અમદાવાદ: રાજપથ ક્લબ પાછળ બાગા રોસા બિલ્ડીંગમાં આવેલા હેડ ઓ સ્ટેટ નામના બેન્કવેટમાં દારૂ પીધેલી હાલતમાં 8 નબીરાઓની વસ્ત્રાપુર પોલીસે ધરપકડ કરી છે. પોલીસને બાતમી મળી હતી કે કેટલાક યુવકો બેન્કવેટમાં દારૂ પીધેલા છે, જેથી પોલીસે રેડ કરી હતી. જેમાં 8 જેટલા યુવકો દારૂ પીધેલી હાલતમાં મળી આવતા તેમની ધરપકડ કરવામાં આવી છે. પોલીસે મેડિકલ ટેસ્ટ કરાવી આગળની કાર્યવાહી હાથ ધરી છે.
પીધેલી હાલતમાં ઝડપાયેલા 8 નબીરાઓના નામ
દારૂ પીધેલી હાલતમાં ઝડપાયેલા આ આઠ નબીરાઓમાં દુષ્યંત શ્રીમાળી(નરોડા), નિસર્ગ દેસાઈ(શેલા), નિરવ સોની(ન્યૂ રાણીપ), ચેતનસિંહ રાઉલજી(શેલા), જય દેસાઈ(શેલા), ચિરાગ શાહ(નારણપુરા), સચિન પટેલ(સોલા રોડ), સંજય શાહ(જોધપુર ગામ)ના નામ સામેલ છે.
