Face of Nation 09-01-2022: દેશના મોટા ભાગના રાજ્યોમાં કોરોનાને કારણે પ્રતિંબંધો વધી રહ્યા છે. મહારાષ્ટ્ર અને દિલ્હીમાં તો મિનિ લોકડાઉન જેવી સ્થિતી છે. ત્યારે આવા સમયે રાજસ્થાનમાં સરકાર દ્વારા પણ પ્રતિબંધો મોટા પ્રમાણમાં વધારવામાં આવ્યા છે. વધતા જતા કોરોનાના કેસોને ધ્યાનમાં રાખીને રાજસ્થાન સરકાર દ્વારા નવી ગાઈડલાઈન જાહેર કરવામાં આવી છે.
નવી ગાઈડલાઈન પ્રમાણે રાજસ્થાનમાં હવેથી વિકેન્ડ કર્ફ્યું લાગૂ કરવામાં આવ્યો છે. સાથેજ સ્કૂલો પણ 30 જાન્યુઆરી સુધી બંધ કરવામાં આવી છે. લગ્ન પહેલા 100 લોકોની હાજરી હતી જેના બદલે હવે લગ્ન પ્રસંગમાં 50 લોકોની હાજરી કરી દેવામાં આવી છે. જો કોઈ વિવાહ સ્થળ પર પ્રોટોકોલનું ઉલ્લંઘન જોવા મળશે તો તે સ્થળને 7 દિવસ સુધી સિલ કરી દેવામાં આવશે.
ગૃહ વિભાગ દ્વારા રવિવારે સાંજે ગાઈડલાઈન જાહેર કરવામાં આવી જેમા પ્રતિબંધો વધારી દેવામાં આવ્યા છે. જેમા શનિવારે રાતે 11 વાગ્યાથી લઈને સોમવારે સવારે 5 વાગ્યા સુધી નાઈટ કર્ફયું જાહેર કરવામાં આવ્યો છે. વધુંમાં શાળાઓમાં પણ 30 જાન્યુઆરી સુધી ફરી ઓનલાઈન શિક્ષણના આદેશ આપી દેવામાં આવ્યા છે.
ઉલ્લેખનીય છે કે કોરોનાના વધતા કેસ હવે એક ચિંતાનો વિષય બન્યો છે. જેમા ખાસ કરીને ઓમિક્રોન વેરિએંટને લઈને હવે લોકોમાં ભયનો માહોલ ફેલાયો છે. મહારાષ્ટ્ર સરકાર દ્વારા અત્યાર સુધીમાં સૌથી વધારે પ્રતિબંધો લગાવામાં આવ્યા છે. તે સિવાય તમિલનાડુમાં પણ પ્રતિબંધો વધારવામાં આવ્યા છે. ત્યારે વધુમાં ફરી રાજસ્થાન સરકાર દ્વારા વિકેન્ડ કર્ફ્યું સહિતના પ્રતિબંધો લાદી દેવામાં આવ્યા છે. (આપની આસપાસ બનતી માહિતીના ફોટા કે વિડીયો અથવા આપની રજુઆત કે જેને તમે સમાચારમાં સ્થાન આપવા માંગતા હોવ તેને અમને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1. ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
