Face of Nation 12-02-2022 : થોડા દિવસો પહેલા જૂનાગઢનાં ભવનાથનાં જંગલમાંથી એક યુવતીની છરીનાં ઉપરાછાપરી ઘા મારી હત્યા કરવામાં આવી હતી. હત્યારો પોતાનું કામ કરી સિફ્તતાથી ભાગી છુટ્યો હતો અને કોઈને હત્યાની કાનોકાન ખબર પણ નહોતી પડી. હત્યારો બીનદાસ્ત રીતે ફરી રહ્યો હતો. બરોબર તે જ દિવસોમાં રાજકોટનો એક બુટલેગર જે પોતાની મહિલા મીત્ર સાથે લીવ-ઈનમાં રહેતો હતો, તે થોડા દિવસોથી એકલો જોવામાં આવતા તેની મહિલા મિત્રની માતાને શંકા ઉપજી અને માતાએ ઉર્મિલા નામની યુવતી જે મનસુખ સાથે લીવ-ઈનમાં રહેતી હતી તે અચાનક ગુમ થઈ ગયાથી રાજકોટનાં આજીડેમ પોલીસ સ્ટેશનમાં અરજી કરી. પોલીસ તુરંત એકસનમાં આવી અને ટેક્નીકલ સર્વેલન્સની મદદથી મનસુખનું લોકેશન મેળવવામાં સફળ રહી. પોલીસે તુરંત મનસુખનું લોકેશન મેળવી અને તેને ઉઠાવ્યો અને પોલીસની તપાસમાં મનસુખે તોતાની જેમ હીચકારી હત્યાની ઘટના કબુલી લીધી. કંપાવી દે તે વાત તો તે છે કે હત્યા કરવામાં આવી હતી તે યુવતી ગર્ભવતી હતી.
તપાસમાં સામે આવતી વિગતો પ્રમાણે છેલ્લા ચારેક વર્ષથી રાજકોટના બુટલેગર મનસુખ જાદવ નામના શખ્સ સાથે ઉર્મિલા લિવ-ઈન રિલેશનશીપમાં રહેતી હતી. છેલ્લા ઘણા સમયથી મનસુખ અને ઉર્મિલા વચ્ચે આડાસંબંધને લઇ વિવાદ ચાલતો હતો. તેવામાં મનસુખે પોતાના મનમાં ઉર્મિલાની હત્યા કરવાનો પ્લાન કરી લીધો અને બંને ગત 8 તારીખે જુનાગઢ આવ્યા હતા. અને ત્યાંથી ઉર્મિલાને ભવનાથ જંગલ વિસ્તારમાં ધાર્મિક જગ્યાએ દર્શન કરવા જવાનું કહી, જંગલ વિસ્તારમાં લઇ ગયો અને ત્યા યુવતીની છરીના ધા મારી અને પાશવી હત્યા કરી દેવામા આવી હતી. હત્યારો મનસુખ જાણતો હતો કે તેની સાથે લીવ-ઈનમાં રેહતી તેની મિત્ર કહો કે પ્રેમીકા ગર્ભવતી હતી અને છતા પણ મનસુખ દ્રારા તેની હત્યા છરીનાં ઉપરાછાપરી ધા અને તે પણ પેટના ભાગે મારવામાં આવ્યા.
પોલીસના જણાવ્યા પ્રમાણે હત્યાનો આરોપી મનસુખ પ્રોહીબીશનના ગુનામાં પોલીસ ચોપડે ચડી ચૂકેલો છે અને પાસામાં જેલની હવા ખાઇ આવ્યો છે. પુછપરછ દરમ્યાન ઉર્મિલાની જૂનાગઢના ભવનાથ જંગલ વિસ્તારમાં હત્યા કરી હોવાની કબુલાત આપતા તુરંતજ રાજકોટ પોલીસ જૂનાગઢ આવી, જુનાગઢ પોલીસની મદદ મેળવી ભવનાથ વિસ્તારમાં જંગલોમાં મૃતદેહ ની શોધખોળ કરી અને મનસુખે હત્યા વાળી જગ્યા બતાવી જયાં ઉર્મિલાનો મૃતદેહ પડ્યો હતો. મૃતદેહ નો એક હાથ દીપડાએ ખાધેલી હાલતમાં મળી આવ્યો હતો. પોલીસે મૃતક ઉર્મિલાને માતાની ફરિયાદને લઇ ગુનો દાખલ કરી આરોપી મનસુખ ની ધરપકડ કરી લીધી છે. એક તરફ ભવનાથના જંગલ વિસ્તારમાં ઉર્મિલાના મૃતદેહની બાજુમાં સિંહો ગર્જના કરતા હતા અને પોલીસે મહામહેનતે મૃતદેહ ને જંગલમાંથી બહાર કાઢી પી.એમ.અર્થે ખસેડાયો છે.
(આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
