https://www.youtube.com/watch?v=aQVQvBKvPPo
Face Of Nation 25-02-2022 : રશિયા અને યુક્રેન વચ્ચેના યુધ્ધે સમગ્ર વિશ્વને હચમચાવી નાખ્યું છે. રશિયા-યુક્રેન વિવાદ ગુરુવારે જંગમાં ફેરવાઈ ગયો છે. રશિયન સેનાએ ગુરુવારે સવારે સાડા આઠ વાગ્યે યુક્રેનની રાજધાની કીવ સહિત 12 જગ્યાએ મિસાઈલ હુમલાઓ કર્યા હતા. આ હુમલાઓ બાદ ખુદ રશિયામાં જ પુતિન વિરુદ્ધ લોકોનો રોષ દેખાઈ રહ્યો છે. રશિયન પ્રજા આ યુદ્ધ અટકાવવા આક્રમક વિરોધ પ્રદર્શન કરી રહી છે. દિલ્હીમાં યુ્ક્રેનના એમ્બેસેડરે ભારતને મદદની અપીલ કરી જે બાદ વડાપ્રધાન મોદીએ વ્લાદિમિર પુતિન સાથે લગભગ 25 મિનિટ વાતચીત કરી હતી. બીજી તરફ અમેરિકાએ પણ રશિયા વિરુદ્ધ તેની સેનાએ તૈયાર કરી દીધી છે. અમેરિકાની ચેતવણી બાદ પણ નહીં અટકેલા રશિયાને અટકાવવા યુક્રેનની મદદ માટે અમેરિકાએ સેના ખડકી દીધી હોવાના અહેવાલો પ્રાપ્ત થયા છે.
પૂર્વ યુરોપમાં લાંબા તણાવ પછી રશિયા અને યુક્રેન વચ્ચે યુદ્ધની શરૂઆત થઈ ચૂકી છે. રશિયાએ આસમાન અને જમીન બંને તરફથી યુક્રેન પર એટેક કર્યો છે. યુક્રેનના રાષ્ટ્રપતિ વોલોડિમિર જેલેન્સ્કીએ પણ રશિયન હુમલાનો મુકાબલો કરવા માટે સમગ્ર સેના ઉતારી દીધી છે. જેલેન્સ્કીએ કહ્યું કે કીવમાં ઘૂસેલા રશિયનોનો પ્રથમ ટારગેટ હું જ છું. તેઓ મને મારીને દેશમાં અસ્થિરતા પેદા કરવા માગે છે. યુક્રેનને રશિયાની સાથે લડાઈમાં એકલું છોડી દેવાયું છે. પ્રથમ દિવસની લડાઈમાં જ 137 લોકોનાં મોત થયા છે. રશિયાએ યુક્રેન પર હુમલો કર્યા બાદ 8 કલાકે NATO એક્ટિવ થયુ છે. સભ્ય દેશો સાથે બેઠક બાદ નાટોએ કહ્યું કે અમે યુક્રેનની પડખે ઉભા છે. અમેરિકા, બ્રિટન, ચેક રિપબ્લિક, બેલ્જીયમ અને યુરોપિયન યૂનિયને પણ રશિયાના હુમલાની નિંદા કરી છે.
આ અગાઉ પુતિને મિલિટ્રી ઓપરેશનની જાહેરાત કરતા ધમકી આપી હતી કે કોઈ આ મામલે દખલ ન કરે, પરિણામ ખરાબ આવશે. આ ધમકી સીધી અમેરિકા, બ્રિટન અને નાટોને હતી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
