Face Of Nation 24-02-2022 : ઉચ્ચ શિક્ષણ માટે વધુ ફી ભરીને ભણવું પડતું હોય છે પરંતુ હવે ગુજરાત ટેક્નોલોજીકલ યુનિવર્સિટી (GTU) હવે ડોક્ટર ઓફ ફિલોસોફી (Ph.D) કરનાર વિદ્યાર્થીઓને દર મહિને 25 હજાર રૂપિયા સ્કોલરશીપ આપશે. વિદ્યાર્થીઓ ફૂલ ટાઈમ ભણીને સારું રિસર્ચ કરી શકે તે માટે GTUએ નવી યોજના શરૂ કરી છે, જેમાં અધ્યાપકોને પણ રિસર્ચ માટે સ્કોલરશીપ આપવામાં આવશે.
અધ્યાપકોને પણ દર વર્ષે રિસર્ચ માટે 1 લાખ અપાશે
રિસર્ચ ક્ષેત્ર પ્રોત્સાહન મળે તે હેતુથી GTU દ્વારા નવી સ્કિમ શરૂ કરવામાં આવી છે.આ સ્કિમનો લાભ ફૂલ ટાઈમના વિદ્યાર્થીઓ અને અધ્યાપકોને મળશે. જે વિદ્યાર્થી હવેથી કોઈ પણ વિદ્યાશાખામાં ફૂલ ટાઈમ Ph.Dનો અભ્યાસ કરશે તેને GTU તરફથી દર મહીને 25 હજાર રૂપિયા આપવામાં આવશે. આ ઉપરાંત સરકાર તરફથી મળતી સ્કોલરશીપ અને કન્ટીજન્સી સ્કોલરશીપ અલગ રહેશે. અધ્યાપકોને પણ દર વર્ષે રિસર્ચ માટે એક લાખ રૂપિયા આપવામાં આવશે.
જીટીયુ અલગથી સ્કોલરશીપ આપશે
આ અંગે GTUના કુલપતિ નવીન શેઠે જણાવ્યું હતું કે, વિદ્યાર્થીઓ ફૂલ ટાઈમ Ph.D કરે તો સારી સંશોધન થઇ શકે છે, જેથી વિદ્યાર્થીઓને પ્રોત્સાહન મળે અને વધુ વિદ્યાર્થીઓ ફૂલ ટાઈમ Ph.D કરે તે માટે આ સ્કિમ શરૂ કરવામાં આવી છે. સરકાર સ્કોલરશીપ આપે છે પરંતુ હવે GTU અલગ સ્કોલરશીપ આપશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
