Face Of Nation 26-02-2022 : કહેવાય છે કે પ્રામાણિકતાના સંસ્કારોનું સિંચન પરિવારમાંથી જ મળે છે. મહેસાણાના એક 13 વર્ષના બાળક શિવમ ઠાકોરે પણ માતા-પિતા પાસેથી મળેલા સંસ્કારોને દીપાવ્યા છે. મહેસાણામાં રહેતા શિવમ ઠાકોરને રસ્તા પરથી 14 તોલા સોનાના દાગીના ભરેલી બેગ મળી. જે બાળક અને તેના પરિવારના પ્રયાસથી તેના મૂળ માલિકને પરત મળી છે.
મૂળ માલિકને 14 તોલા સોનાના દાગીના પરત કર્યા
મહેસાણામાંની ગોકુલધામ રેસીડેન્સીમાં રહેતા 13 વર્ષના બાલક શિવમ ઠાકોરે તેની પ્રામાણિકતાને મહેકાવી છે. શિવમ ઠાકોરને રસ્તા પરથી 14 તોલા સોનાના દાગીના ભરેલી બેગ મળી હતી. જેને તેણે પોતાના માતા-પિતા સાથે મળીને તેના મૂળ માલિક સુધી પહોંચાડી છે. શિવમે તેને રસ્તામાંથી મળેલી સોનાના દાગીના ભરેલી બેગ પોતાના ઘરે જઈ માતા-પિતાને સોંપી હતી અને તેને આ બેગ કેવી રીતે મળી તેની માતા-પિતાને માહિતી આપી હતી. જો કે આ થેલીના દાગીના જોઈ પરિવાર મૂળ માલિકને પરત કેવી રીતે કરવા તેને લઈ ચિંતામાં મુકાયો હતો. આ વિમાસણ પરિવારમાં ત્રણ દિવસ ચાલી. જે બાદ એક સ્થાનિક સમાચારપત્રના આધારે શિવમ ઠાકોરને પિતાને દાગીનાના મૂળ માલિક ધીણોજ ગામના રણછોડ ચૌધરી હોવાની જાણકારી મળી. જેના આધારે શિવમ અને તેના પિતા મહેસાણા બી. ડિવિઝન પોલીસ સ્ટેશને પહોંચ્યા અને મૂળ માલિકને 14 તોલા સોનાના દાગીના પરત કર્યા.
મૂળ માલિકે શિવમની અભ્યાસનો ખર્ચ ઉઠાવવાની જાહેરાત કરી
પોતાના દાગીના પરત મળતા ધીણોજના રણછોડભાઈ ચૌધરી 13 વર્ષીય શિવમ ઠાકોરની ઈમાનદારીથી પ્રભાવિત થયા. જેથી રણછોડભાઈ ચૌધરીએ ધોરણ 7માં ભણતા શિવમની ધોરણ 10 સુધીનો અભ્યાસ, રહેવા-જમવાનો ખર્ચ ઉઠાવવાની જાહેરાત કરી. રણછોડભાઈ ચૌધરી શિવમની ઈમાનદારીના ઈનામ પેટે પોતાના છાત્રાલયમાં રાખી મફત આગળ શિક્ષણ આપવાનું નક્કી કર્યું છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
