ધરપકડ કરવામાં આવેલા લોકોમાં થાઈલેન્ડ સહિત દેશના નાગરિકોનો સમાવેશ થાય છે. જોકે, પોલીસે ચોક્કસ આંકડો આપ્યો નથી.
Face Of Nation:નોઇડા: રવિવારે રાત્રે ઉત્તર પ્રદેશ પોલીસે નોઇડામાં ડઝન જેટલા સ્પા પર દરોડા પાડ્યા હતાં. પોલીસને બાતમી મળી હતી નોઈડામાં આવેલા વિવિધ જગ્યાઓ પર સ્પાની આડમાં ગોરખધંધા ચાલી રહ્યા હતા. પોલીસે દરોડાંની કાર્યવાહી દરમિયાન 35 લોકોની ધરપકડ કરી છે. જેમાં 25 યુવતીઓનો સમાવેશ થાય છે. ધરપકડ કરવામાં આવેલા લોકોમાં વિદેશી નાગરિકોનો પણ સમાવેશ થાય છે.
પોલીસે જણાવ્યું હતું કે, ધરપકડ કરવામાં આવેલા લોકોમાં થાઈલેન્ડ સહિત દેશના નાગરિકોનો સમાવેશ થાય છે. જોકે, પોલીસે ચોક્કસ આંકડો આપ્યો નથી. ગૌતમ બુદ્ધ નગર (ગ્રામ્ય)ના એસપી વિનીત જયસ્વાલે જણાવ્યું હતું કે, સીનિયર એસપી વૈભવ ક્રિષ્નાના આદેશ બાદ રવિવારે મોડી રાત્રે કોમર્શિયલ હબ ગણાતા સેક્ટર-18ના વિવિધ 14 સ્પા પર દરોડાં કર્યા હતાં. મોડીરાત સુધી દરોડાંની કાર્યવાહી ચાલુ હતી.
દરોડાની કાર્યવાહીમાં પોલીસની 14 ટીમ જોડાઈ હતી. આ ટીમોમાં સાત સર્કલ અધિકારી, આઠ પોલીસ સ્ટેશનના હાઉસ ઓફિસરો, 30 સબ ઇન્સ્પેક્ટરો અને મહિલા તેમજ પુરુષ કોન્સ્ટેબલો સામેલ હતા.કુલ મળીને 35 લોકોની ધરપકડ કરવામાં આવી છે, જેમાં 10 યુવકો અને 25 યુવતીઓનો સમાવેશ થાય છે. સ્પામાંથી ધરપકડ કરવામાં આવેલા લોકોમાં ઘણાં વિદેશના નાગરિકો છે. દરોડાની કાર્યવાહીમાં એક લાખની રોકડ, બીયર, વપરાયેલા અને તેમજ બિનવપરાયેલા કોન્ડોમ તેમજ અન્ય વાંધાજનક વસ્તુઓને જપ્ત કરવામાં આવી છે.
ઘટના અંતર્ગત સ્પાના માલિકો સામે ગુનો દાખલ કરવામાં આવ્યો છે. આ લોકો સામે ઉત્તર પ્રદેશ ગેંગસ્ટર એક્ટ અંતર્ગત કાર્યવાહી કરવામાં આવશે. દરોડાંની કાર્યવાહી બાદ 14 સ્પાને સીલ કરી દેવામાં આવ્યા હતા. 14માંથી ત્રણ સ્પામાં સેક્સ રેકેટ ચાલી રહ્યું હતું, જ્યારે અન્ય સ્પામાં ગંભીર પ્રકારના ગેરકાયદે કામ થઈ રહ્યા હતા.
