Face Of Nation 06-03-2022 : આઈપીએલના રસિયાઓ માટે સૌથી મોટા સમાચાર સામે આવી રહ્યા છે. ઈન્ડિયન પ્રીમિયર લીગ 2022નું શેડ્યૂલ જાહેર કરી દેવામાં આવ્યું છે. ચેન્નાઈ સુપર કિંગ્સ અને કોલકાતા નાઈટ રાઈડર્સ 26મી માર્ચે પ્રથમ મેચમાં સામસામે ટકરાશે. પ્રથમ મેચ મુંબઈના વાનખેડે સ્ટેડિયમમાં જોવા મળશે, જે સાંજે 7.30 વાગ્યે શરૂ થશે. IPL 2022 લીગની છેલ્લી મેચ વાનખેડે સ્ટેડિયમમાં 22મી મેના રોજ સાંજે 7.30 કલાકે રમાશે. જેમાં સનરાઇઝર્સ હૈદરાબાદ અને પંજાબ કિંગ્સની ટીમો આમને-સામને થશે. આ વખતે કુલ 12 ડબલ હેડર મેચ જોવા મળશે, એટલે કે તે દિવસે જ્યારે એક જ દિવસમાં બે મેચ હશે.
મોટાભાગની મેચો સાંજે 7.30 વાગ્યે રમાશે
IPLની મોટાભાગની મેચો સાંજે 7.30 વાગ્યે રમાશે, જ્યારે જે દિવસે બે મેચ હશે તે દિવસે પહેલી મેચ બપોરે 3.30 વાગ્યે અને બીજી મેચ સાંજે 7.30 વાગ્યે રમાશે. પ્લેઓફ મેચોનું શેડ્યૂલ હજુ જાહેર કરાયું નથી, તે પછીથી જાહેર કરવામાં આવશે.
મુંબઈમાં 55 મેચ રમાવાની છે જ્યારે 15 મેચ પુણેમાં રમાશે
આ વખતે 26 માર્ચથી આઈપીએલ 2022 શરૂ થશે, જ્યારે ફાઈનલ 29 મેના રોજ રમાશે. આ વખતે યોજાનારી લીગની તમામ 70 મેચ મુંબઈ અને પુણેમાં રમાશે. મુંબઈમાં કુલ 55 મેચ રમાવાની છે જ્યારે 15 મેચ પુણેમાં રમાશે. આ વખતે મુંબઈના વાનખેડેમાં 20, સીસીઆઈમાં 15, ડીવાય પાટિલ સ્ટેડિયમમાં 20 મેચ રમાશે. જ્યારે પુણે તરફથી એમસીએ સ્ટેડિયમમાં 15 મેચ યોજાશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
