Face Of Nation 10-03-2022 : સ્વિટ્ઝર્લેન્ડના દાવોસ સ્થિત વર્લ્ડ ઇકોનોમિક ફોરમે રશિયા સાથેના સંબંધો તોડી નાખ્યા છે. તેણે રશિયન ઓલિગાર્ક દ્વારા સંચાલિત કંપનીઓના જૂથ સાથેની તેની વ્યૂહાત્મક ભાગીદારીને પણ સ્થગિત કરી દીધી છે. તેણે કહ્યું છે કે, પ્રતિબંધોની સૂચિમાંના કોઈપણ લોકોને દાવોસમાં યોજાનારી બેઠકમાં ભાગ લેવાની મંજૂરી આપવામાં આવશે નહીં. વર્લ્ડ ઇકોનોમિક ફોરમે એક નિવેદનમાં કહ્યું, “યુક્રેન પર રશિયાના હુમલાની નિંદા કર્યા પછી, ફોરમ આંતરરાષ્ટ્રીય પ્રતિબંધોનું પાલન કરી રહ્યું છે. સાથે જ ઝડપથી બદલાતી પરિસ્થિતિને પણ અનુસરે છે.” નિવેદનમાં જણાવ્યું હતું કે, ફોરમ રશિયન સંસ્થાઓ સાથેના તમામ સંબંધો તોડી રહ્યું છે.
યુદ્ધને કારણે અત્યાર સુધીમાં 2.2 મિલિયન લોકો દેશ છોડી ચૂક્યા છે
અમારી કોઈપણ પ્રવૃત્તિઓમાં કોઈપણ પ્રતિબંધિત વ્યક્તિ અથવા સંસ્થાને સામેલ કરવામાં આવશે નહીં. તેઓને વાર્ષિક બેઠકમાં પણ જવા દેવામાં આવશે નહીં.’ આ જાહેરાત એવા સમયે કરવામાં આવી છે જ્યારે યુક્રેન પર હુમલા માટે રશિયાની આંતરરાષ્ટ્રીય સ્તરે નિંદા થઈ રહી છે. યુક્રેન અને રશિયા વચ્ચે ચાલી રહેલા યુદ્ધને કારણે અત્યાર સુધીમાં 2.2 મિલિયન લોકો દેશ છોડી ચૂક્યા છે. પશ્ચિમી દેશોએ રશિયા પર કડક પ્રતિબંધો લગાવ્યા છે. અમેરિકાએ રશિયન તેલની આયાત પર પ્રતિબંધ મૂક્યો છે. આ સિવાય ગેસ અને કોલસા પર પણ પ્રતિબંધ મુકવામાં આવ્યો છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
