વિવિધ ગુનાઓના કેસોમાં 91 આરોપીઓ હજુ સુધી ફરાર છે
વિધાનસભામાં બહાર આવી વિગતો, કેસોમાં 3019 આરોપીની ધરપકડ
ગુનાખોરીના આંકડા તા.1-6-2017થી 31-5-2019 વચ્ચેના છે
Face Of Nation:ગાંધીનગર: પાટનગર ગાંધીનગર સહિત રાજ્યમાં દિનપ્રતિદિન ગુનાખોરીનું પ્રમાણ વધી રહ્યું છે. જિલ્લામાં બે વર્ષમાં 37 હત્યા, 26 બળાત્કાર, 66 છેડતી, 73 લૂંટ, 168 અપહરણના ગુના પોલીસ ચોપડે નોંધાયા છે. વિધાનસભામાં મોડાસાના ધારાસભ્ય રાજેન્દ્રસિંહ ઠાકોરે પૂછેલા સવાલના જવાબમાં આ વિગતો બહાર આવી છે. જિલ્લામાં લૂંટ, ધાડ, હત્યા, અપહરણ, બળાત્કાર, મારામારી, હત્યાનો પ્રયાસ જેવા ગુનાઓમાં બે વર્ષમાં 3019 આરોપીની ધરપકડ કરવામાં આવી છે જ્યારે 91 આરોપીઓ હજુ સુધી ફરાર છે. ગુનાખોરીના આ આંકડા 1-6-2017થી 31-5-2019 વચ્ચેના છે.
