Face Of Nation 31-03-2022 : કોંગ્રેસના પૂર્વ અધ્યક્ષ રાહુલ ગાંધી આગામી 6 એપ્રિલના રોજ ગુજરાત આવી રહ્યા છે. ઐતિહાસિક દાંડી માર્ચના અંતિમ દિવસ એટલે કે, 6 એપ્રિલના રોજ રાહુલ ગાંધી સાબરમતી આશ્રમ ખાતેથી જ ‘ગાંધી સંદેશ યાત્રા’ની શરૂઆત કરાવશે. આ યાત્રા નવી દિલ્હી સ્થિત સ્વ. રાજીવ ગાંધીની સમાધિ વીર ભૂમિ ખાતે સંપન્ન થશે. કોંગ્રેસના સેવાદળના કાર્યકરોની આગેવાનીમાં નિકળનારી આ યાત્રા ગુજરાતના જિલ્લાઓ ઉપરાંત રાજસ્થાન, હરિયાણામાંથી પસાર થશે અને મહાત્મા ગાંધીજીના શાંતિ સંદેશાને ઉજાગર કરશે.
સાબરમતીથી દિલ્હી સુધીની ગાંધી સંદેશ યાત્રાનો આરંભ
ગુજરાત કોંગ્રેસના વરિષ્ઠ નેતા અર્જુન મોઢવાડિયાએ ગાંધી સંદેશ યાત્રાની વિગતો જણાવી હતી. તેમણે કહ્યું હતું કે, ઐતિહાસિક દાંડી યાત્રા ભારતના સ્વતંત્રતા સંગ્રામની ઐતિહાસિક યાત્રા હતી જે 6 એપ્રિલ 1930ના રોજ સંપન્ન થઈ હતી. આ દિવસને મનાવવા રાહુલ ગાંધી ગુજરાત આવી રહ્યા છે અને 6 એપ્રિલે જ અમદાવાદના સાબરમતી આશ્રમથી દિલ્હી સુધીની ગાંધી સંદેશ યાત્રાનો આરંભ કરાવશે.
ગુજરાતમાંથી આ યાત્રા રાજસ્થાન પહોંચશે
સાબરમતી આશ્રમ ખાતેથી ગાંધી સંદેશ યાત્રાનો રાહુલ ગાંધી આરંભ કરાવશે. ત્યારબાદ સેવાદળના કાર્યકરો આગેવાની લેશે. ગુજરાતના દરેક જિલ્લામાંથી પસાર થતી વેળાએ સ્થાનિક આગેવાનો તેમાં જોડાશે. ગાંધીજીના અહિંસા અને સત્યના સંદેશાને ઉજાગર કરવાના પ્રયાસરુપે આ યાત્રા યોજાઈ રહ્યાનું મોઢવાડિયાએ ઉમેર્યું હતું. ગુજરાતમાંથી આ યાત્રા રાજસ્થાન પહોંચશે અને ત્યાંથી હરિયાણા થઈ દિલ્હી વીરભૂમિ ખાતે સંપન્ન થશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
