પાલનપુર પાલિકામાં ઝપાઝપી: વિપક્ષી નેતાએ પદાધિકારીઓ પર નકલી નોટ ઉછાળી, શાસક પક્ષના નેતાનો કાંઠલો પકડ્યો!

Face Of Nation 31-03-2022 : પાલનપુર નગરપાલિકાની આજે યોજાયેલી સામાન્ય સભા સામાન્ય બાબતને લઈ તોફાની બની હતી. સામાન્ય સભાના એજન્ડા પર ચર્ચાનો સમય આપ્યા વગર જ બોર્ડ પૂરું કરી દીધાનો આક્ષેપ કરી વિપક્ષી નેતાએ ગુસ્સો ઠાલવ્યો હતો. બોર્ડની કામગીરી પૂર્ણ કરી સભાખંડની બહાર જઈ રહેલા મહિલા પ્રમુખ અને શાસક પક્ષના નેતાનો રસ્તો રોકી મહિલા વિપક્ષી નેતાએ ઝપાઝપી કરી હતી. શાસકપક્ષના નેતા દ્વારા પોતાના પર હુમલાનો પ્રયાસ કરાયો હોવાનો વિપક્ષી નેતાએ આક્ષેપ કર્યો હતો. સામાન્ય સભામાં બનેલા બનાવ મામલે મહિલા પ્રમુખ દ્વારા વિપક્ષી નેતા અંકિતાબેન સામે પોલીસ ફરિયાદ નોંધાવવામાં આવી હતી.
શાસકપક્ષના નેતાનો કાંઠલો પકડી લીધો
બનાસકાંઠાના મુખ્ય મથક પાલનપુરમાં નગરપાલિકાની બજેટ બોર્ડની બેઠક મળી હતી. બેઠકમાં એજન્ડા પર ચર્ચાનો પૂરતો સમય આપ્યા વગર જ બોર્ડ પૂર્ણ કરી દીધું હોવાનો વિપક્ષી નેતા અંકિતાબેન ઠાકોરે આક્ષેપ લગાવ્યો હતો. બોર્ડની બેઠક પૂર્ણ કરી મહિલા પ્રમુખ અને શાસક પક્ષના નેતા બહાર નીકળે તે પહેલા જ વિપક્ષી નેતા દ્વારા ઝપાઝપી કરવામાં આવી હતી. મહિલા પ્રમુખ હેતલબેન રાવલ સાથે ઝપાઝપી કર્યા બાદ શાસકપક્ષના નેતાનો કાંઠલો પકડી લીધો હતો. વિપક્ષી નેતા અંકિતાબેને પણ શાસકપક્ષના નેતાએ હુમલાનો પ્રયાસ કર્યો હોવાનો આક્ષેપ કર્યો હતો.
સભ્યો દ્વારા બહુમતીથી તેને પસાર કરાયું
આ અંગે પાલનપુર નગરપાલિકા પમુખ હેતલબેન રાવલે જણાવ્યું હતું કે, આજે અમારી બોર્ડની બેઠક હતી. બજેટ બોર્ડ હતું જે મેં રજૂ કર્યું છે. અમારા સભ્યો દ્વારા બહુમતીથી તેને પસાર કરવામાં આવ્યું છે. કોંગ્રેસના સભ્યો દ્વારા કોંગ્રેસના પાલિકા વિપક્ષના નેતા દ્વારા મારાં પર હાથ ઉઠાવવામાં આવ્યો છે, મારી સાડી ખેંચવામાં આવી હતી. આ રીતે વિરોધ ના હોય ભારતીય જનતા પાર્ટી જ્યારે વિરોધપક્ષમાં હતી ત્યારે ક્યારેય આ રીતે વિરોધ કર્યો નથી. વિરોધ કરવાનો હોય પણ મર્યાદામાં અને શિસ્તમાં રહીને આ રીતે ના કરાય. રજુઆત કરીને કામ કરાવાય ખાલી એમ ખ્યાતિ મેળવવા માટે મીડિયામાં આવવા માટે જે કરી રહ્યા છે એ તદન ખોટું છે અને હું પોલીસ ફરિયાદ કરવાની છું. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).