Face Of Nation 01-04-2022 : ગોવામાં બિટ્સ પિલાની એન્જિનિયરિંગ કોલેજમાં એન્જિનિયરિંગના 24 વિદ્યાર્થીઓ કોરોના પોઝિટિવ મળ્યા છે. જે બાદ દક્ષિણ ગોવા જિલ્લા તંત્રે કોલેજના તમામ શિક્ષકો અને વિદ્યાર્થીઓને કોરોના ટેસ્ટ કરાવવાનો આદેશ આપ્યો છે. કેમ્પસમાં લગભગ 2800 વિદ્યાર્થીઓ છે. ગોવાના ઝુઆરીનગર સ્થિત બિટ્સ પિલાની કેમ્પસમાં 24 વિદ્યાર્થીઓ કોરોના પોઝિટિવ મળ્યા છે. એટલું જ નહીં, કોલેજમાં ઓફલાઈન વર્ગો બંધ કરી દેવામાં આવ્યા છે. સામૂહિક પરીક્ષણ પણ શરૂ કરવામાં આવ્યું છે. તંત્રે તમામ વિદ્યાર્થીઓ, શિક્ષકો, અધ્યાપકો અને સંક્રમિતોના સંપર્કમાં આવેલા તમામ લોકોની કોરોના તપાસ કરવાનો આદેશ આપ્યો છે. આ સાથે કોરોના પ્રોટોકોલ હેઠળ તમામ જરૂરી પગલાં ભરવા માટે કહેવામાં આવ્યું છે. કોઈપણ વ્યક્તિને કેમ્પસમાં આવવાની પરવાનગી નથી. ઉપરાંત, માત્ર ઈમરજન્સી સેવાઓને જ મંજૂરી આપવામાં આવી છે. તમામ લોકો માટે માસ્ક પહેરવાનું ફરજિયાત કરાયું છે. આગામી 15 દિવસ માટે માત્ર ઓનલાઈન વર્ગો ચલાવવા માટે કહેવાયું છે. આ સાથે બે મીટરનું અંતર જાળવવા પણ કહેવાયું છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
