Face Of Nation 04-04-2022 : જમ્મુ-કાશ્મીરમાં આજે આતંકવાદીઓ પ્રવૃત્તિની અનેક ઘટનાઓ સામે આવી છે. દેશભરમાં કાશ્મીર ફાઈલ્સ ફિલ્મની ચર્ચા ચાલી રહી છે ત્યારે આજે આતંકવાદીઓએ શોપિયામાં છેલ્લા 30 વર્ષથી કાશ્મીરમાં વસવાટ કરતાં એક કાશ્મીરી પંડિતને ગોળી મારી દીધી હતી, જેમને બાદમાં ગંભીર સ્થિતિમાં હોસ્પિટલમાં ખસેડવામાં આવ્યા છે. આ સાથે છેલ્લા 24 કલાકમાં આતંકવાદીઓએ 7 લોકોને ગોળી મારી દીધી છે. આ પૈકી પુલવામાં 4 બિનનિવાસી શ્રમિકોને તથા શ્રીનગરમાં 2 CRPF જવાનો ઉપર હુમલા કર્યા છે. શ્રીનગરના લાલચોક ખાતે આતંકવાદીઓએ સુરક્ષા જવાનો ઉપર હુમલા કર્યાં હતા. એક જવાન શહીદ થયો થયો હતો.
બિહારના શ્રમિક પિતા-પુત્રને આતંકીઓએ નિશાન બનાવ્યા
આતંકવાદીઓએ જમ્મુ-કાશ્મીરના પુલવામા બિહારના શ્રમિકો પિતા-પુત્રને પણ આતંકવાદીઓએ ગોળી મારી દીધી હતી. તેઓ બિહારના બેતિયાના રહેવાસી હતા. અત્રે ઉલ્લેખનીય છે કે ગઈકાલે આતંકવાદીઓએ પંજાબના બે શ્રમિકોને કાશ્મીરમાં ગોળી મરી હતી. આ સાથે છેલ્લા 24 કલાકમાં બિનનિવાસી લોકો ઉપર આ બીજો હુમલો હતો. આતંકવાદીઓએ પુલવામાના લાજુરામાં સોમવારે બપોરે પટલેશ્વર કુમાર અને જાકો ચૌધરીને ગાળી મારી દીધી હતી. બન્ને બિહારના રહેવાસી છે.
શ્રીનગરના લાલ ચોક નજીક CRPF જવાન શહીદ
શ્રીનગરમાં લાલ ચોક નજીક આવેલા માયસૂમા વિસ્તારમાં સોમવારે આતંકવાદીઓ તરફથી કરવામાં આવેલા હુમલામાં CRPFના એક જવાન શહીદ થયા છે. જ્યારે અન્ય એક જવાન ઈજાગ્રસ્ત થયો હતો. આતંકવાદીઓએ અંધાધૂંધ ફાયરિંગ કર્યું હતું. ઈજાગ્રસ્ત બન્ને જવાનોને શ્રી મહારાજા હરિ સિંહ હોસ્પિટલમાં સારવાર માટે ખસેડવામાં આવ્યો છે. જવાન વિશાલે હોસ્પિટલમાં અંતિમ શ્વાસ લીધા હતા. સુરક્ષા દળો ઉપર કરવામાં આવેલા હુમલાની ધ રેજિસ્ટેંસ ફ્રન્ટ (TRF)એ જવાબદારી સ્વીકારી છે.(આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
