Face Of Nation 06-04-2022 : ગુજરાતમાં કોરોના વાયરસની ત્રીજી લહેર હવે એકદમ શાંત થઈ ગઈ છે. ક્યાંક ગણ્યા ગાંઠ્યા કેસ નોંધાઈ રહ્યા છે, ત્યારે છેલ્લા 24 કલાકમાં કોરોના વાયરસના કેસોની વાત કરીએ તો ગુજરાતમાં છેલ્લા 24 કલાકમાં કોરોનાના નવા નવ કેસ નોંધાયા છે. ત્યારે એક પણ દર્દીનું મોત નોંધાયું નથી. ગુજરાત સરકારના આરોગ્ય વિભાગે આપેલા આંકડા પ્રમાણે ગુજરાતમાં કોરોનાના નવા નવ કેસ નોંધાયા છે ત્યારે કુલ 11 લોકો કોરોનામાંથી સાજા થયા છે.
2 વેન્ટીલેટર પર છે જ્યારે 72 દર્દીઓ સ્ટેબલ
રાજ્યમાં કોરોનામાંથી સાજા થવાનો દર 99.10 ટકા નોંધાયો છે. એક્ટીવ કેસોની વાત કરીએ તો રાજ્યમાં અત્યારે કુલ 74 એક્ટીવ કેસ છે. જેમાંથી 2 વેન્ટીલેટર ઉપર છે જ્યારે 72 દર્દીઓ સ્ટેબલ છે. અત્યાર સુધીમાં 10,942 લોકોએ કોરોનામાં પોતાનો જીવ ગુમાવ્યો છે.ગુજરાતમાં રસીકરણની વાત કરીએ તો ગુજરાતમાં ગુરુવારે બપોરે પાંચ વાગ્યાથી લઈને સાંજના ચાર વાગ્યા સુધી રાજ્યભરમાં કુલ 36,141 લોકોનું રસીકરણ કરાયું છે ત્યારે 12-14 વર્ષ સુધીના 8143 બાળકોને પ્રથમ ડોઝ આપવામાં આવ્યો હતો. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
