Face Of Nation 06-04-2022 : રાજકોટ શહેરમાં આપઘાતનું પ્રમાણ દિવસે ને દિવસે વધતું જોવા મળી રહ્યું છે તેમાં પણ યુવાનોમાં આપઘાતનું પ્રમાણ વધી રહ્યું છે જે બાબત ચિંતા જનક છે. એક તરફ ધોરણ 10 અને 12 ની પરીક્ષા ચાલી રહી છે બીજી બાજુ સૌરાષ્ટ્ર યુનિવર્સિટીમાં પણ પરીક્ષા લેવામાં આવી રહી છે. રાજકોટ શહેરમાં ગઈકાલે કોલેજીયન યુવતીને પરીક્ષામાં પેપર નબળું જતા ઝેરી દવા પી આપઘાત કરી લીધો હતો.
ઘરે ઉલ્ટી કરવા લાગતાં પરિવારને જાણ થઈ
રાજકોટ શહેરના મવડી રોડ શોભના સોસાયટીમાં રહેતી અને કોલેજના છેલ્લા વર્ષમાં અભ્યાસ કરતી શ્વેતા મનસુખ હાપલિયા (ઉ.વ.20) બપોરે બી.કોમનું છેલ્લુ પેપર દઈને ઘરે આવ્યા બાદ ઝેરી દવા ગટગટાવી લીધી હતી. કોલેજીયન યુવતી ઘરે ઉલ્ટી કરવા લાગતાં પરિવારને જાણ થતાં સારવાર અર્થે હોસ્પિટલમાં ખસેડાઈ હતી. જેનું સારવાર દરમિયાન મોત નિપજ્યું હતું.
યુવતી એક ભાઈ એક બહેનમાં નાની હતી
સારવાર દરમિયાન વિદ્યાર્થીનીનું મોત નિપજતા હોસ્પિટલ ચોકીના સ્ટાફે પોલીસને જાણ કરતા માલવિયાનગર પોલીસ સ્થળ પહોંચી તપાસ હાથ ધરી હતી. પોલીસ તપાસમાં કોલેજીયન યુવતી એક ભાઈ એક બહેનમાં નાની હોવાનું અને પિતા ઘંટીના સ્પેરપાર્ટસ બનાવવાનું કારખાનું ધરાવતા હોવાનું જાણવા મળ્યું છે. આ બનાવની તપાસ માલવીયાનગર એએસઆઈ ગીતાબેન પંડ્યા સહિતનો સ્ટફ ચલાવી રહ્યો છે.(આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
