Face Of Nation 09-04-2022 : IPLમાં આજે શનિવારે ડબલ હેડર ડે છે, જેમાં સનરાઈઝર્સ હૈદરાબાદે પહેલી મેચમાં ચેન્નઈ સુપર કિંગ્સ સામે ટોસ જીતીને પહેલા બોલિંગ કરવાનો નિર્ણય લીધો હતો. ચેન્નઈએ 20 ઓવરમાં 7 વિકેટના નુકસાને 154 રન કર્યા છે. જેના જવાબમાં હૈદરાબાદે 1 વિકેટના નુકસાને 120+ રન કર્યા છે. અત્યારે રાહુલ ત્રિપાઠી અને અભિષેક શર્મા બેટિંગ કરી રહ્યા છે.
મોઈન અલી-રાયડુ વચ્ચે 62 રનની પાર્ટનરશિપ
મોઈન અલી અને રાયડુ વચ્ચે 62 રનની પાર્ટનરશિપ નોંધાઈ હતી. તો બીજી બાજુ સુંદર અને નટરાજને 2-2 વિકેટ લીધી હતી. ટાર્ગેટ ચેઝ કરતા સમયે કેપ્ટન કેન વિલિયમ્સન અને અભિષેક શર્માએ ટીમને સારી શરૂઆત અપાવી હતી. પહેલી 6 ઓવરમાં બંને ખેલાડીઓએ એકપણ વિકેટ ગુમાવ્યા વિના 37 રન જોડ્યા હતા. બંનેએ પાવર પ્લેમાં 4 ચોગ્ગા અને 1 છગ્ગો ફટકારી હતી. કેપ્ટન રવીન્દ્ર જાડેજાએ વિસ્ફોટક ઈનિંગ રમતા 15 બોલમાં 27 રન કર્યા હતા. આ ઈનિંગની 19મી ઓવરમાં તેણે ટી નટરાજન સામે છેલ્લા બે બોલમાં 1 ચોગ્ગો અને 1 છગ્ગો ફટકાર્યો હતો. જોકે ત્યારપછી ભુવનેશ્વર કુમારે જાડેજાની વિકેટ લીધી હતી.
વોશિંગ્ટન સુંદરનું શાનદાર પ્રદર્શન
SRH તરફથી વોશિંગ્ટન સુંદરે અદ્ભુત બોલિંગ કરીને બે વિકેટ લીધી હતી. તેણે રોબિન ઉથપ્પા (15) અને અંબાતી રાયડુ (27)ને આઉટ કરી હૈદરાબાદને કમબેક કરવામાં મદદ કરી હતી. વળી સુંદરે અત્યારે ટૂર્નામેન્ટની 3 મેચમાં 4 વિકેટ લીધી છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
