Face Of Nation 09-04-2022 : આજે શનિવારે IPL સિઝન-15ની ડબલ હેડરની બીજી મેચ મુંબઈ ઈન્ડિયન્સ અને રોયલ ચેલેન્જર્સ બેંગ્લોર વચ્ચે રમાઈ હતી. જેમાં RCBએ ટોસ જીતી પહેલા બોલિંગ પસંદ કરી હતી. મુંબઈએ 20 ઓવરમાં 6 વિકેટના નુકસાને 151 રન કર્યા હતા. જેના જવાબમાં RCBએ 9 બોલ પહેલા સ્કોર ચેઝ કરી મેચ 7 વિકેટથી જીતી લીધી છે. આ ટૂર્નામેન્ટમાં MIની આ સતત ચોથી હાર છે. આની સાથે ચેન્નઈ સુપર કિંગ્સ પણ વર્તમાન સિઝનમાં સતત ચાર મેચ હારી ગઈ છે. તે જ સમયે, RCBની આ સતત ત્રીજી જીત છે.
રાવત અને કોહલીએ રનનો વરસાદ કર્યો
અનુજ રાવત અને વિરાટ કોહલીએ બીજી વિકેટ માટે 80 રન જોડ્યા હતા. બંને ખેલાડીએ મુંબઈના બોલર્સની આકરી પરીક્ષા લીધી હતી. જોકે ત્યારપછી 17મી ઓવરના છેલ્લા બોલ પર અનુજ રાવત રનઆઉટ થઈને પેવેલિયન પરત ફર્યો અને આ ભાગીદારી તૂટી ગઈ. બીજીતરફ અનુજ રાવતે શાનદાર બેટિંગ કરીને 38 બોલમાં પોતાની IPL કારકિર્દીની પહેલી ફિફ્ટી પૂરી કરી હતી. તે 47 બોલમાં 66 રન કરીને રનઆઉટ થયો હતો. રાવતને RCBએ મેગા ઓક્શનમાં 3.40 કરોડમાં ખરીદ્યો હતો. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
