Face Of Nation 17-04-2022 : IPL 2022માં 29મી મેચમાં ગુજરાત ટાઈટન્સે 3 વિકેટથી ચેન્નઈ સુપર કિંગ્સને હરાવી દીધું છે. આ દરમિયાન GTને જીતવા માટે 170 રનનો ટાર્ગેટ હતો, જેને ટીમે 1 બોલ પહેલા ચેઝ કરી લીધો છે. ગુજરાતના ડેવિડ મિલરે 94* રન તથા કેપ્ટન રાશિદે 40 રનની મેચ વિનિંગ ઈનિંગ રમી હતી. તો ચેન્નઈના બોલર ક્રિસ જોર્ડને 3.5 ઓવરમાં 58 રન આપ્યા હતા. બીજીતરફ મેચની પહેલી 6 ઓવર ચેન્નઈ સુપર કિંગ્સની તરફેણમાં ગઈ નહોતી. પાવર પ્લેમાં ટીમે 2 વિકેટ ગુમાવીને માત્ર 39 રન કર્યા હતા. આ દરમિયાન શમીએ ઉથપ્પા (3)ની વિકેટ લીધી, જ્યારે અલ્ઝારી જોસેફે CSKના શાનદાર બેટર મોઈન અલીને આઉટ કર્યો હતો. CSKએ આ પાવરપ્લેમાં 3 ફોર, 2 સિકસર ફટકાર્યા હતા.
ગુજરાતની શરૂઆત ખરારબ, 2 રનમાં 2 વિકેટ
ટાર્ગેટ ચેઝ કરવા ઉતરેલી ગુજરાત ટાઈટન્સની શરૂઆત ખરાબ રહી હતી. પહેલી જ ઓવરમાં શુભમન ગિલ ગોલ્ડન ડક પર પોતાની વિકેટ ગુમાવી બેઠો હતો. ત્યારપછી વિજય શંકર પણ પેવેલિયન ભેગો થઈ ગયો હતો. આ બંને વિકેટ GTએ માત્ર 2 રનના સ્કોર પર ગુમાવી દીધી હતી.
વિકેટકીપર રિદ્ધિમાન સાહા ફ્લોપ રહ્યો
આ સિઝનમાં પોતાની પહેલી મેચ રમી રહેલો વિકેટકીપર રિદ્ધિમાન સાહા મેચમાં કંઈ ખાસ પ્રદર્શન કરી શક્યો નથી. સાહા 18 બોલમાં 11 રન કરીને પેવેલિયન ભેગો થયો હતો. તેનો કેચ ઋતુરાજ ગાયકવાડે ડીપ સ્ક્વેર લેગ પર પકડ્યો હતો.(આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
