Face Of Nation 20-04-2022 : પંજાબ કિંગ્સ સામેની મેચના સાડા ત્રણ કલાક પહેલા દિલ્હી ટીમના અન્ય એક ખેલાડીનો કોરોના રિપોર્ટ પોઝિટિવ આવ્યો છે. સૂત્રોના જણાવ્યા પ્રમાણે ટિમ સેઈફર્ટ કોરોના પોઝિટિવ હોવાનું જાણવા મળ્યું છે. આજે સવારે તમામ ખેલાડીઓનો કોરોના ટેસ્ટ કરવામાં આવ્યો હતો. જેના રિપોર્ટ સામે આવતા ટીમની ચિંતામાં વધારો થયો છે. તમને જણાવી દઈએ કે આજે બુધવારે દિલ્હી કેપિટલ્સ અને પંજાબ કિંગ્સ વચ્ચે મેચ રમાવાની છે. જોકે આની પહેલા દિલ્હીની ટીમમાં બેક ટુ બેક કોવિડ પોઝિટિવ કેસ સામે આવતા ચિંતાજનક સ્થિતિ સામે આવી છે. તેવામાં સૂત્રોના જણાવ્યા પ્રમાણે આજે મેચ તો રમાશે. હવે DC કેમ્પમાં સંક્રમિતોની સંખ્યા વધીને 6 થઈ ગઈ છે. પહેલા આ મેચ પુણેમાં રમાવાની હતી પરંતુ હવે તે મુંબઈના બ્રેબોર્ન સ્ટેડિયમમાં રમાશે. દિલ્હી પાસે ડેવિડ વોર્નર, પૃથ્વી શો અને કેપ્ટન રિષભ પંત જેવા હાર્ડ હિટર છે. તો ત્યાં જ પંજાબમાં શિખર ધવન, લિયમ લિવિંગસ્ટોન અને શાહરૂખ ખાન છે.
બંને ટીમો છેલ્લી મેચ હારી ગઈ
પંજાબે 6માંથી 3 મેચ જીતી હતી અને ત્રણમાં હારનો સામનો કરવો પડ્યો છે. તો તે જ સમયે દિલ્હીએ પાંચમાંથી માત્ર 2 મેચ જીતી છે. જો દિલ્હીને વિનિંગ ટ્રેકમાં પરત ફરવું હશે તો વોર્નર અને શો મહત્ત્વની ભૂમિકા ભજવી શકે છે. વોર્નરે RCB સામે 38 બોલમાં 66 રન કર્યા હતા. તે જ સમયે, શૉ સતત બે ફિફ્ટી ફટકારીને ગત મેચમાં જલદી આઉટ થયો હતો. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
