Face Of Nation 20-04-2022 : પૂર્વ વર્લ્ડ નંબર-1 ટેનિસ સ્ટાર મારિયા શારાપોવાએ જન્મદિવસે ખાસ જાણકારી આપતા કહ્યું તે 35 વર્ષની ઉંમરે માતા બનવા જઈ રહી છે. શારાપોવા પહેલીવાર માતા બનશે, તેણે પોતાના ટેનિસ કારકિર્દીમાં ઘણી સિદ્ધિઓ પ્રાપ્ત કરી છે. તેવામાં પાંચવાર ગ્રાન્ડસ્લેમ જીતનારી શારાપોવાએ વર્ષ 2020માં ટેનિસમાંથી નિવૃત્તિ લેવાની જાહેરાત કરી હતી. આ અંગે તેણે સોશિયલ મીડિયામાં જાણકારી આપી છે. મારિયા શારાપોવાએ પોતાની પ્રેગનેન્સી અંગે જાણકારી આપતા કહ્યું કે મારા જીવનની નવી ઈનિંગ શરૂ થઈ રહી છે. આ દરમિયાન તેણે એક તસવીર પોસ્ટ કરી હતી. જેમાં શારાપોવા દરિયાકિનારે જોવા મળી હતી. તો બીજીતરફ 2020ના ડિસેમ્બર મહિનામાં મારિયા શારાપોવા અને બ્રિટનના બિઝનેસમેન એલેક્ઝાન્ડરે ઘટસ્ફોટ કર્યો હતો કે, બંનેની સગાઈ થઈ ગઈ છે. ટેનિસ કોર્ટમાં રશિયાનું પ્રતિનિધિત્વ કરનારી શારાપોવા ટેનિસમાં કારકિર્દીની શરૂઆત કરતાની સાથે જ યુનાઇટેડ સ્ટેટ્સ જતી રહી હતી. ત્યારપછી, 2020માં તેણે એલેક્ઝાન્ડર સાથે સગાઈ કરી. એલેક્ઝાન્ડર બ્રિટનના જાણીતા બિઝનેસમેન છે, જે ન્યૂયોર્ક સાથે પણ સંકળાયેલા છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
