Face Of Nation 21-04-2022 : ગુજરાતમાં વિધાનસભાની વહેલી ચૂંટણીની અટકળો વચ્ચે રાજયમાં ભાજપે જે રીતે સરકાર અને સંગઠનની કામગીરી ફાસ્ટ્રેક મોડ પર ચાલી રહી છે, ખાસ કરીને પ્રધાનમંત્રી નરેન્દ્ર મોદી ત્રણ દિવસનો ગુજરાત પ્રવાસ પૂરો કરી, દિલ્હી પહોંચતા જ ગુજરાત ભાજપના પ્રભારી ભુપેન્દ્ર યાદવ 21મીથી 2 દિવસ ગુજરાત આવી રહ્યા છે, તેઓ બે દિવસ સુધી સતત બેઠકો કરીને ચૂંટણી વ્યૂહરચનાને આખરી ઓપ આપી શકે છે.
2 દિવસ સતત સંગઠન સાથે ચર્ચા કરશે
ભુપેન્દ્ર યાદવ ભાજપના ટોચના નેતાઓ સાથે કામલમ ખાતે બે દિવસ સતત સંગઠન સાથે ચર્ચા કરશે અને તા.26ના રોજ પક્ષના રાષ્ટ્રીય પ્રમુખ જે.પી.નડ્ડા પણ આવી રહ્યા છે. યાદવ આવતીકાલે ગાંધીનગર આવી પહોંચશે અને પક્ષના વિવિધ વિભાગોના હોદેદારો સાથે બેઠક યોજશે. જેમાં પ્રદેશ સંગઠન મહામંત્રી રત્નાકર પણ ઉપસ્થિત રહેશે. તા.22મીના રોજ વિવિધ મોરચાના પદાધિકારીઓ સાથે બેઠક યોજશે અને બાદમાં રાજયનાં મંત્રીઓ અને કોર કમિટીના સભ્યો સાથે મુખ્યમંત્રી નિવાસસ્થાને બેઠકો યોજશે. આ તમામ મુલાકાતમાં પ્રદેશ પ્રમુખ સી.આર.પાટીલ હાજર રહેશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
