Face Of Nation 21-04-2022 : IPL 2022માં ગુરુવારે રમાઈ રહેલી મેચમાં મુંબઈએ ચેન્નઈ સામે જીતવા માટે 156 રનનો ટાર્ગેટ રાખ્યો હતો. જેના જવાબમાં CSKના ફિનિશર મહેન્દ્ર સિંહ ધોનીએ છેલ્લા બોલ પર ચોગ્ગો મારી ટીમને મેચ જીતાડી દીધી છે. તો બીજી બાજુ મુંબઈ ઈન્ડિયન્સ આ સિઝનની સતત 7મી મેચ હારી ગયું છે.આની પહેલા ટોસ હાર્યા પછી બેટિંગ કરતા મુંબઈ ઈન્ડિયન્સના ટોપ ઓર્ડર બેટરે નિરાશ કર્યા હતા. જોકે ટીમે 20 ઓવરમાં 7 વિકેટ ગુમાવીને 155 રનનો સ્કોર નોંધાવ્યો હતો. તિલક વર્માએ સૌથી વધુ અણનમ 51 રનની ઇનિંગ રમી હતી. જેમાં CSK તરફથી મુકેશ ચૌધરીએ 3 તથા ડ્વેન બ્રાવોએ 2 વિકેટ લીધી હતી.
મુકેશ ચૌધરીએ પહેલી જ ઓવરમાં છવાયો
ટોસ હાર્યા પછી બેટિંગ કરવા ઉતરેલી મુંબઈની શરૂઆત ખરાબ રહી હતી. યુવા ફાસ્ટ બોલર મુકેશ ચૌધરીએ પહેલી જ ઓવરમાં કેપ્ટન રોહિત શર્મા અને ઈશાન કિશનની વિકેટ લીધી હતી. મેચના બીજા બોલ પર, રોહિતે એકપણ રન કર્યા વિના મિડ-ઓન પર સેન્ટનરને તેનો કેચ આપ્યો હતો. ત્યારપછી ઓવરના 5માં બોલ પર મુકેશે ઈશાનને શૂન્ય રને ક્લીન બોલ્ડ કર્યો હતો.
રોબિન ઉથપ્પા અને અંબાતી રાયડુની ભાગીદારી
રોબિન ઉથપ્પા અને અંબાતી રાયડુએ માત્ર 16 રનમાં પ્રથમ બે વિકેટ ગુમાવ્યા પછી ચેન્નઈની ઈનિંગ સંભાળી હતી. બંને અનુભવી ખેલાડીઓએ ત્રીજી વિકેટ માટે 50 રન જોડ્યા હતા. જોકે ત્યારપછી ઉનડકટે ઉથપ્પાને આઉટ કરીને આ પાર્ટનરશિપ તોડી હતી. તે 25 બોલમાં 30 રન કરીને પેવેલિયન ભેગો થયો હતો. તો બીજીતરફ ડેનિયલ સેમ્સે પ્લેઈંગ ઈલેવનમાં કમબેક કરતાની સાથે જ 4 ઓવરમાં 7.50ના ઈકોનોમી રેટથી રન આપ્યા અને 4 વિકેટ લીધી હતી. તેણે ઋતુરાજ ગાયકવાડ (0), મિચેલ સેન્ટનર (11), શિવમ દુબે (13) અને અંબાતી રાયડુ (40)ને આઉટ કર્યા હતા. એટલું જ નહીં તેણે 4 ઓવરમાં 30 રન આપી 4 વિકેટ લીધી હતી.(આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
