Face Of Nation 23-04-2022 : ગુજરાત પ્રદેશ કોંગ્રેસના નેતા હાર્દિક પટેલે વોટ્સએપ ડીપી આજે ચેન્જ કરી નાંખ્યું છે. જો કે, આ ડીપીમાંથી કોંગ્રેસનો પંજો નીકળી ગયો છે. જો કે, ફેસબુક અને ટ્વીટરમાં એ જ પ્રોફાઈલ પિક્ચર છે જે વોટ્સએપમાં હતું. પણ ઈન્સ્ટાગ્રામમાં ફોર્મલ પિક્ચર જ રાખ્યું છે. જાણકારોના મતે હાર્દિક પટેલ ગુજરાત કોંગ્રેસના કાર્યકારી પ્રમુખ બન્યા ત્યારથી તેના વોટ્સએપ નંબરમાં આ કોંગ્રેસના પંજાની નિશાનીવાળું ડીપી હતું અને તેમાં લખ્યું હતું કે, હું લડીશ અને જીતીશ. જો કે, હજુ ગઈકાલ 22મી તારીખ સુધી ડીપી હતું પણ એકાએક આજે બદલાઈ ગયું હતું. હાર્દિક પટેલ છેલ્લા થોડા દિવસોથી જે રીતે કોંગ્રેસ સામે અસંતોષનો ભાવ વ્યક્ત કરે છે અને ભાજપના ગુણગાન ગાય છે તે જોતાં ગુજરાતના રાજકારણમાં કોઈ નવાજૂનીના એંધાણ થાય તો નવાઈ નહીં.
ફેસબુક-ટ્વીટરમાં પ્રોફાઈલ પિક્ચર યથાવત્
વોટ્સએપ, ફેસબુક અને ટ્વીટરમાં હાર્દિક પટેલે જે પ્રોફાઈલ પિક્ચર રાખ્યા હતા એ ત્રણેયમાં સરખાં હતાં. તેમાં બ્લૂ બેકગ્રાઉન્ડ હોય, પોતાનો ફોટો હોય અને બાજુમાં કોંગ્રેસનો પંજો દોર્યો હોય. સાથે લખ્યું હોય કે, હું લડીશ અને જીતીશ. આ પ્રોફાઈલ પિક્ચર વોટ્સએપમાંથી નીકળી ગયું છે અને તેની જગ્યાએ ફોર્મલ ફોટો આવી ગયો છે. જો કે, ફેસબુક અને ટ્વીટરમાં પંજાવાળું પ્રોફાઈલ પિક્ચર યથાવત છે. પણ એવું માનવામાં આવે છે કે, હાર્દિક પટેલ કોઈ નવાજુની કરવાના મૂડમાં છે અને બદલાવની શરૂઆત વોટ્સએપમાં ડીપીથી કરી દીધી છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
