Face Of Nation 27-04-2022 : લોધિકાના પરાપીપળિયામાં સગીરા પર પાડોશી પરિણીત શખસે જ અવારનવાર દુષ્કર્મ આચરી પાંચ માસનો ગર્ભ રાખી દીધો હતો. આ અંગેની લોધિકા પોલીસ સ્ટેશનમાં ફરિયાદ નોંધાઈ છે. સગીરાનો પરિવાર કામ માટે બહાર જાય ત્યારે સગીરા ઘરે એકલી રહેતી હતી. બાદમાં એકલતાનો લાભ લઈ પરિણીત શખસ સગીરાના ઘરમાં ઘૂસી જતો અને દુષ્કર્મ આચરતો હતો. પોલીસે ગુનો નોંધી પરિણીત શખસની શોધખોળ હાથ ધરી છે.
વારંવાર બળજબરીથી દુષ્કર્મ આચર્યું
લોધિકાના પરાપીપળીયામાં રહેતી સગીરાને તેના પડોશમાં રહેતા પરીણીત શખસે વારંવાર બળજબરીથી દુષ્કર્મ આચર્યું હતું. જેમાં ગઈકાલે સગીરાને પેટમાં દુ:ખાવો ઉપડતા સારવારમાં રાજકોટની સિવિલ હોસ્પિટલમાં ખસેડવામાં આવી હતી. અહીં ગાયનેક વિભાગના તબીબે તપાસીને તેને પાંચ માસનો ગર્ભ હોવાનું બહાર આવ્યું હતું. આ અંગે સિવિલ ચોકીના સ્ટાફે લોધિકા પોલીસને જાણ કરતા તેનો સ્ટાફ સીવીલે દોડી જઈ સગીરાની પૂછપરછ હાથ ધરી હતી.
આરોપી અભય પરિણીત, ભોગ બનનાર અભ્યાસ કરે!
વધુમાં લોધિકા પોલીસ મથકના PSI એચ.આર. જાડેજાએ જણાવ્યું હતું કે, ભોગ બનનાર સગીરાને તેના પડોશમાં રહેતો અભય મુળીયા નામનો શખસ સગીરાના પરિવારના સભ્યો કામ પર ગયા બાદ એકલતાનો લાભ લઈ ઘરમાં ઘૂસીને વારંવાર બળાત્કાર કરતો હતો. જો કોઈને કહીશ તો મારી નાખવાની ધમકી આપી દુષ્કર્મ આચરતો હતો. તેમજ આરોપી અભય પરિણીત છે અને ભોગ બનનાર અભ્યાસ કરે છે. બનાવ અંગે દુષ્કર્મનો ગુનો નોંધી આરોપીની શોધખોળ હાથ ધરી હતી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
