Face Of Nation 03-05-2022 : ડીસા-ભીલડી હાઇવે પર આજે લગ્ન સમારંભ દરમિયાન અચાનક આગ લાગી હોવાની ઘટના સામે આવી હતી. લગ્ન બાદ અચાનક મંડપમાં આગ લાગતાં દોડધામ મચી ગઈ હતી. આ ઘટનામાં લગ્નની ચોરી, વોટર કુલર અને મંડપનો સમાન બળીને ખાખ થઈ જતાં લાખો રૂપિયાનું નુકસાન થયું હતું. બનાવને પગલે સ્થાનિક લોકો અને ફાયર ફાયટરની ટીમે ઘટના સ્થળે પહોંચી પાણીનો મારો ચલાવી આગ પર કાબુ મેળવ્યો હતો.
ચોરી સહિત મંડપ બળીને ખાખ
ઉનાળાની શરૂઆત થતાં અનેક જગ્યાએ આગ લાગવાનો બનાવ સામે આવતા હોય છે. જેમાં મોટાભાગની ગાડીઓમાં તેમજ જંગલોમાં આગ લાગવાની ઘટનાઓ બનતી હોય છે. જો કે આજે મંગળવારે એક લગ્ન પ્રસંગમાં આગ લાગવાનો બનાવ સામે આવ્યો છે. બનાસકાંઠા જિલ્લાના ડીસા-ભીલડી હાઈવે પર લગ્ન સમારંભમાં લગ્ન બાદ અચાનક આગ લાગતાં દોડધામ મચી ગઇ હતી. આગ લાગતાં જ સ્થાનિક લોકોએ આગ બુઝાવવાના પ્રયત્નો હાથ ધર્યા હતા. જો કે આગે વિકરાળ સ્વરૂપ ધારણ કરતાં ચોરી સહિત મંડપ બળીને ખાખ થયો હતો. તો બીજીતરફ અનેક લોકોએ સતત પાણીનો મારો ચલાવી આગ પર કાબુ મેળવ્યો હતો. ઘટનાની જાણ ડીસા ફાયર વિભાગને કરાતાં ફાયર ફાયટરોએ ઘટનાસ્થળે પહોંચી આગને કાબુમાં લીધી હતી. જો કે આ ઘટનામાં સદનસીબે મોટી જાનહાનિ થતાં ટળી હતી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
