Face Of Nation 04-05-2022 : હિંમતનગરના રંગપુર પાટિયા પાસેની બાલાજી વેફર્સની ફેક્ટરીમાં ભીષણ આગ ફાટીની નીકળી છે. આગને પગલે દૂરદૂર સુધી ધૂમાડાના ગોટેગોટા દેખાતા હતા. તો આગ પર કાબૂ મેળવવા માટે બાલાજી વેફર્સના પ્લાન્ટ પર ફાયરબ્રિગેડની 10 ટીમ દોડી ગઈ છે અને આગ પર કાબૂ મેળવવા પ્રયાસ કરી રહી છે. 10મી તારીખે તો ફેક્ટરીનું ઓપનિંગ થવાનું હતું
આગ લાગવાનું કારણ જાણી શકાયું નથી
ઉનાળામાં દિવસેને દિવસે આગની ઘટનાઓ વધી રહી છે. તેમાં હિંમતનગરના રંગપુર ગામ પાસે આવેલી જાણીતી વેફર્સ કંપની બાલાજીની ફેક્ટરીમાં ભીષણ આગનો બનાવ બન્યો છે. જો કે હજુ સુધી હિંમતનગરની વેફર્સ ફેક્ટરીમાં આગ લાગવાનું કારણ જાણી શકાયું નથી. આગ ફેક્ટરીમાં ફેલાઈ હતી. જેને પગલે બાલાજી વેફર્સની ફેક્ટરીમાં નાસભાગ મચી ગઈ હતી.
આગે વિકરાળ સ્વરૂપ ધારણ કરતા દોડધામ
મળતી વિગત અનુસાર ફેક્ટરીમાં આકસ્મિક કારણોસર આગ ફાટી નીકળી હતી અને જોતજોતામાં વિકરાળ સ્વરૂપ ધારણ કર્યુ હતું. જેને પગલે ફેક્ટરીમાં નાસભાગ મચી હતી. વિકરાળ આગને પગલે દૂર દૂર સુધી ધૂમાડાના ગોટેગોટા દેખાતા હતા. આગને પગલે કંપનીને લાખો રૂપિયાનું નુકસાન પહોંચ્યું હોવાની શક્યતા છે. તો બીજીતરફ આગના બનાવની જાણ થતાં ઈડર અને હિંમતનગરની ફાયર બ્રિગેડની ટીમ ઘટનાસ્થળે દોડી ગઈ હતી અને પાણીનો મારો ચલાવીને આગને કાબૂમાં લેવા પ્રયાસ હાથ ધર્યા હતા. ઘટનાસ્થળે 10થી વધુ ફાયર ફાઈટર ઘટનાસ્થળે પહોંચી હતી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
