Face Of Nation 05-05-2022 : અમદાવાદ મ્યુનિસિપલ કોર્પોરેશન દ્વારા AMTS બસ સુવિધા આપવામાં આવે છે. અમદાવાદ શહેરની બહારની હદ સુધી પણ AMTS બસ દોડાવવામાં આવે છે. મહેસાણા જિલ્લામાં આવેલા થોળ પક્ષી અભ્યારણ સુધી હવે બસ દોડાવવાનો નિર્ણય અમદાવાદ મ્યુનિસિપલ કોર્પોરેશન ટ્રાન્સપોર્ટ સર્વિસ દ્વારા લેવામાં આવ્યો છે. લાલદરવાજાથી રાંચરડા સુધીના 51 નંબરના રૂટને લંબાવી થોળ અભયારણ્ય સુધી કરવામાં આવ્યો છે. આવતીકાલે સાંજે મુખ્યમંત્રી ભુપેન્દ્ર પટેલ દ્વારા આ બસ સુવિધાનો પ્રારંભ કરવામાં આવશે. વધુમાં વધુ 20 રૂપિયામાં હવે અમદાવાદ થોળ સુધી જઈ શકશે.
પાંચ બસો મૂકાશે અને 30 જેટલી ટ્રીપ મારશે
અમદાવાદથી 20 કિલોમીટર દૂર આવેલા પક્ષી અભયારણ્ય થોળ સુધી હવે પ્રવાસીઓ AMTS બસમાં જઈ શકશે. લાલદરવાજાથી રાંચરડા સુધી ચાલતા 51 નંબરના રૂટને 9.45 કિલોમીટર હવે આગળ લંબાવી ડાભલા ચોકડી થઈ અને મહેસાણા જિલ્લામાં આવેલા થોળ પક્ષી અભ્યારણ સુધી લંબાવવા નિર્ણય લેવામાં આવ્યો છે. આવતીકાલથી આ બસ સુવિધાનો પ્રારંભ થવાનો છે જેમાં પાંચ બસો મુકવામાં આવશે અને 30 જેટલી ટ્રીપ મારવામાં આવશે. 25થી 40 મિનિટમાં એક બસ મળશે. આ રૂટની બસ નેહરુબ્રિજ, નવરંગપુરા, કોમર્સ કોલેજ, ગુરુકુળ, હેબતપુર ક્રોસ રોડ, થલતેજ ગામ, શીલજ ગામ, રાચરડા ગામથી ડાભલા ચોકડી, અઢાણા ગામ, સધી માતાનું મંદિર અને ચંદનપુરા ચોકડી થી થોળ સુધી જશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
