Face Of Nation 07-05-2022 : જામનગરમાં ચાલી રહેલી ભાગવત સપ્તાહમાં આજે વધુ એક કૉંગ્રેસી ધારાસભ્ય ભાજપના નેતાઓ સાથે જોવા મળ્યા હતા. અમદાવાદની દાણીલીમડા બેઠકના કૉંગ્રેસી ધારાસભ્ય શૈલેષ પરમાર જામનગરમાં મુખ્યમંત્રી સહિતના ભાજપના નેતાઓ સાથે હાજર જોવા મળ્યા હતા. કાર્યક્રમમાંથી જતા સમયે મુખ્યમંત્રીએ શૈલેષ પરમારને કહ્યું હતું કે, તમારે આવવાનું હોય તો બેસી જાઓ હાલો. આ સાંભળી શૈલેષ પરમાર હસી પડ્યા હતા.
મુખ્યમંત્રીની ઓફર સાંભળી પરમાર હસી પડ્યા
ભાગવત સપ્તાહમાં હાજરી આપ્યા બાદ મુખ્યમંત્રી કાર્યક્રમ સ્થળ પરથી રવાના થયા હતા. ત્યારે ભાજપના નેતાઓ સાથે શૈલેષ પરમાર પણ મુખ્યમંત્રીને કાર સુધી છોડવા આવ્યા હતા. ત્યારે મુખ્યમંત્રીએ શૈલેષ પરમારને કહ્યું હતું કે, તમારે આવવાનું હોય તો બેસી જાઓ હાલો. આ સમયે હાજર અન્ય ભાજપના નેતાઓ પણ શૈલેષ પરમારને મુખ્યમંત્રીની કારમાં બેસાડવા આતુર જણાતા હતા. જોકે પરમાર બેસ્યા નહોતા.
શૈલેષ પરમાર 3 ટર્મથી જીત મેળવતા ધારાસભ્ય
અમદાવાદની દાણીલીમડા બેઠક પરના સીટિગ MLA શૈલેષ પરમાર સતત ત્રણ ટર્મથી જીત મેળવતા કૉંગ્રેસી ધારાસભ્ય છે. અમદાવાદમાં ભાજપની પકડ મજબૂત હોવા છતાં ભાજપ સતત બે ટર્મથી દાણીલીમડા બેઠક પર જીત મેળવી નથી શકી. પરમાર વર્ષ 2007માં શહેરકોટડા બેઠક પરથી જીત્યા હતા. ત્યાર બાદ 2012 અને 2017માં દાણીલીમડા બેઠક પરથી જીત મેળવી હતી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
