Face Of Nation 08-05-2022 : કંગના રનૌતના રિયાલિટી શો ‘લૉકઅપ’ને સ્ટેન્ડ અપ કોમેડિયન મુનવ્વર ફારુકીએ જીત્યો છે. વિનિંગ ટ્રોફી ઉપરાંત કોમેડિયનને 20 લાખ રૂપિયા, મારુતિ અર્ટિગા કાર પણ મળી છે. આ સાથે જ ઈટલીની ફુલી સ્પોન્સર્ડ ટ્રિપ પણ મળી છે. આ શોની ફિનાલે 7મી મેના રોજ યોજાઈ હતી. તો બીજીતરફ મુનવ્વરે વિનર બન્યા બાદ કહ્યું હતું, ‘જે લોકોએ મને પહેલાં ખોટો સમજ્યો, તે જ લોકોએ મને આટલો પ્રેમ આપ્યો છે. હું તમામનો આભારી છું. ભવિષ્યમાં પણ હું કોઈની લાગણી ના દુભાય તે વાતનું ધ્યાન રાખીશ. બસ એટલું જ ઈચ્છું છું કે મારા કામથી લોકોના ચહેરા પર માત્ર હાસ્ય આવે.’
પ્રિન્સ નરુલા શોમાં કેદી નહોતો
કોમેડિયન મુનવ્વર શોમાં સૌથી સ્ટ્રોંગેસ્ટ સ્પર્ધક હતો. પાયલ રોહતગી તથા પ્રિન્સ નરુલાને ઓછા વોટ મળ્યા હતા. ગ્રાન્ડ ફિનાલેમાં કંગના રનૌતે કહ્યું હતું કે શોમાં કેદીની જેમ રહેતા પ્રિન્સ નરુલા વાસ્તવમાં કેદી હોતી. તેને એક પ્રોજેક્ટ આપવામાં આવ્યો હતો અને તેણે શોમાં બીજા કેદીઓના રહસ્ય ઉજાગર કરાવવાના હતા અને અન્યને હેરાન કરવાના હતાં.
કંગનાએ પોતાની ફિલ્મના સોંગ પર ડાન્સ કર્યો
શોની ગ્રાન્ડ ફિનાલેમાં કરન કુંદ્રા તથા તેજસ્વી પ્રકાશે ‘હમ્મા હમ્મા’ ગીત પર રોમેન્ટિક પર્ફોર્મન્સ આપ્યું હતું. કંગનાએ પોતાની ફિલ્મના સોંગ પર ડાન્સ કર્યો હતો. ટોપ ફાઇવમાં પ્રિન્સ નરુલા, શિવમ શર્મા, અંજલિ આરોરા તથા આઝમા તથા મુનવ્વર હતા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
