કેનેડાના પ્રધાનમંત્રી જસ્ટિન ટ્રુડોએ યુક્રેનની લીધી મુલાકાત, કહ્યું -‘રાષ્ટ્રપતિ ઝેલેન્સ્કી માટે અમારો સંદેશ છે કે કેનેડા હંમેશા યુક્રેન સાથે ઉભું છે’!

Face Of Nation 09-05-2022 : ​​​​​​​યુક્રેન યુદ્ધ વચ્ચે કેનેડાના પ્રધાનમંત્રી જસ્ટિન ટ્રુડોએ ગત રોજ અચાનક યુક્રેનની મુલાકાત લીધી અને રાષ્ટ્રપતિ વોલોડીમિર ઝેલેન્સકી સાથે મુલાકાત કરી હતી. બંને નેતાઓએ રાજધાની કિવમાં સંયુક્ત પત્રકાર પરિષદ યોજી હતી. ટ્રુડોએ કહ્યું કે રશિયાના રાષ્ટ્રપતિ વ્લાદિમીર પુતિન સૌથી નીચલા સ્તરના યુદ્ધ અપરાધો માટે જવાબદાર છે. તેની જવાબદેહી નિશ્ચિત હોવી જોઈએ. સામેથી રશિયન હુમલાની ક્રૂરતા મેં પહેલીવાર જોઈ છે. આ અગાઉ જસ્ટિન ટ્રુડોએ ટ્વિટ કરી જણાવ્યું હતું કે, હું ક્રિસ્ટિયા ફ્રિલેન્ડ અને મેલાની ઝોલિયૂ સાથે યુક્રેનમાં છું. અમે અહીં યુક્રેન અને તેમના લોકો પ્રતિ અમારુ સમર્થન જાહેર કરવા આવ્યા છે. ઝેલેન્સ્કી માટે અમારો સંદેશ છે કે કેનેડા હંમેશા યુક્રેન સાથે ઉભું છે.
યુક્રેની શહેર ઈરપિન પણ પહોંચ્યા ટ્રુડો
કેનેડાના પ્રધાનમંત્રીએ યુક્રેન યુદ્ધને લઈને અમેરિકી રાષ્ટ્રપતિ જો બાઈડન સાથે વાત પણ કરી હતી. આ સિવાય ટ્રુડોએ ઈરપિન શહેરની મુલાકાત પણ કરી હતી. આ શહેર રશિયન હુમલામાં ખરાબ રીતે બરબાદ થઈ ચૂક્યું છે. ઈરપિનના મેયર ઓલેક્ઝેડર માર્કુશિને કહ્યું કે, કેનેડાના પ્રધાનમંત્રીએ ટ્રુડો એ જોવા આવ્યા હતા કે કેવી રીતે રશિયન સૈનિકોએ અમારા શહેરમાં તબાહી મચાવી છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).