Face Of Nation 18-05-2022 : ફ્રાન્સમાં 75માં કાન્સ ફિલ્મ ફેસ્ટિવલની શરૂઆત થઈ છે. યુક્રેનના રાષ્ટ્રપતિ વોલોદિમર ઝેલેન્સ્કીએ આ ફિલ્મ ફેસ્ટિવલને વરચ્યુઅલી સંબોધિત કર્યો હતો. આ દરમિયાન તેમણે રશિયાના રાષ્ટ્રપતિ વ્લાદિમીર પુતિન પર શાબ્દિક પ્રહારો કર્યા હતા. તેમણે કહ્યું કે, માણસોમાં નફરત ખત્મ થઈ જશે અને તાનાશાહ મરી જશે. યુક્રેનના રાષ્ટ્રપતિએ ફિલ્મ નિર્માતાઓને ફાસીવાદ પર કોમેડી ફિલ્મ બનાવવાની અપીલ કરી છે. ઝેલેન્સ્કીએ ચાર્લી ચેપલિનને એડોલ્ફ હિટલર વાળા રોલની પ્રશંસા કરતા કહ્યું કે, આપણને એક નવા ચેપલિનની જરૂરિયાત છે, જે કહી શકે કે આપણા સમયનું સિનેમા ચુપ નથી. તો બીજીતરફ વર્લ્ડ હેલ્થ ઓર્ગેનાઈઝેશનનું કહેવું છે કે, યુદ્ધ શરૂ થયા પછી રશિયાએ યુક્રેનના હેલ્થ ઈન્ફ્રાસ્ટ્રક્ચર પર 226થી વધુ હુમલા કર્યા છે. એટલે કે પ્રત્યેક દિવસે યુક્રેનની મેડિકલ સેવાઓ પર ત્રણ હુમલા કરવામાં આવ્યા છે. WHOના રિજનલ ડાયરેક્ટરનું કહેવું છે કે આ હુમલામાં 75 લોકો મૃત્યુ પામ્યા છે અને 59 અન્ય ઘાયલ થયા છે.
ફિનલેન્ડની સંસદે સરકારને નાટોમાં સામેલની મંજૂરી
ફિનલેન્ડની સંસદે સરકારને નાટોમાં સામેલ થવાની મંજૂરી આપી દીધી છે. તેને લઈને કરવામાં આવેલા વોટિંગ દરમિયાન 200થી 188 સાંસદોએ આ નિર્ણયનું સમર્થન કર્યું હતું. બીજી તરફ વ્હાઈટ હાઉસના પ્રેસ સેક્રેટરીનું કહેવું છે કે, અમેરિકાના રાષ્ટ્રપતિ જો બાઈડન 19મી મેના રોજ ફિનિશ અને સ્વીડિશ પ્રધાનમંત્રીની સાથે નાટો એપ્લિકેશન પર વાતચીત કરશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
