Face Of Nation:ડીસા શહેરમાં આવેલા એપીએમસી માર્કેટ પાસે શોટસર્કિટના કારણે એક ગાડીમાં આગ ભભૂકી ઊઠી હતી. આગ લાગવાને કારણે આસપાસ દોડધામ મચી ગઈ હતી. જો કે, આગ લાગવાની ઘટનાની જાણ થતાં જ ડીસા ફાયર ફાયટરની ટીમે ઘટનાસ્થળે પહોંચી આગ પર કાબૂ મેળવ્યો હતો. પાટણના સેદ્રાણા ગામથી અયુબ ગુલાબહુસેન કુરેશી પરિવાર સાથે પરત ફરી રહ્યાં હતા ત્યારે તેમની કારમાં આગ લાગી હતી. જો કે, ફાયરવિભાગ સમયસર પહોંચી જતાં આગ વધુ વકરી નહોતી. આ ઘટનામાં કોઈ જાનહાનિ થઈ નથી.
