Face Of Nation 18-05-2022 : 36 વર્ષીય અર્જુન કપૂર પોતાનાથી 12 વર્ષ મોટી પ્રેમિકા મલાઈકા અરોરા સાથે આ વર્ષે લગ્ન કરવાનો છે. બંને ટૂંક સમયમાં વેડિંગની જાહેરાત પણ કરશે. નોંધનીય છે કે છેલ્લાં ઘણાં સમયથી અર્જુન તથા મલાઈકા એકબીજાને ડેટિંગ કરે છે. અર્જુન કપૂર-મલાઈકા પહેલાં ગયા વર્ષે ડિસેમ્બરમાં વિકી કૌશલ તથા કેટરીના કૈફે લગ્ન કર્યા હતા. આ વર્ષે એપ્રિલ મહિનામાં રણબીર કપૂર તથા આલિયા ભટ્ટ લગ્નના તાંતણે બંધાયા હતા.
બંને નવેમ્બર કે ડિસેમ્બરમાં લગ્ન કરશે
વેબ પોર્ટલ ‘બોલિવૂડ લાઇફ’ના અહેવાલ પ્રમાણે, અર્જુન તથા મલાઈકા એકબીજાના ગાઢ પ્રેમમાં છે. હવે બંનેએ પોતાના સંબંધોને નામ આપવાનું નક્કી કર્યું છે. બંનેએ મુંબઈમાં જ લગ્ન કરવાનો નિર્ણય લીધો છે. તો બીજીતરફ અર્જુન તથા મલાઈકાને શિયાળો ઘણો જ પસંદ છે. આથી જ બંને નવેમ્બર કે ડિસેમ્બરમાં લગ્ન કરશે. બંનેના લગ્નમાં માત્ર પરિવાર અને નિકટના મિત્રો જ હાજર રહેશે.
લૅવિશ લગ્નની ઈચ્છા નથી, સાદા કપડાં જ પહેરેશે
સૂત્રોના જણાવ્યા પ્રમાણે, અર્જુન તથા મલાઈકાને લૅવિશ લગ્નની ઈચ્છા નથી. બંનેને સાદગી ગમે છે. રજિસ્ટર વેડિંગ બાદ બંને વેડિંગ પાર્ટી આપશે. આ વેડિંગ પાર્ટીમાં માત્રને માત્ર પરિવાર ને મિત્રો જ હશે. અર્જુન કપૂરનો પૂરો પરિવાર, મલાઈકાના પેરેન્ટ્સ, બહેન અમૃતા અરોરા તથા કરીના કપૂર, કરિશ્મા કપૂર ખાસ હાજર રહેશે. તો બીજીતરફ મલાઈકા તથા અર્જુન રજિસ્ટર વેડિંગમાં બહુ હેવી કપડાં પહેરવાના નથી. રજિસ્ટર વેડિંગમાં મલાઈકા એકદમ સિમ્પલ સાડી પહેરશે અને અર્જુન પણ એકદમ સાદો કુર્તો પહેરશે. પાર્ટીમાં બંને વેસ્ટર્ન આઉટફિટ પહેરશે અને ફોટોગ્રાફર્સને પોઝ પણ આપશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
