Face Of Nation 22-05-2022 : દક્ષિણ આફ્રિકાનો ભારત પ્રવાસ અત્યારે ચર્ચામાં છે, કારણ કે આ તમામ ટૂર દરમિયાન ભારતના યુવા ખેલાડીઓ ટીમને આગળ વધારશે. તેવામાં આજે રવિવારે BCCIએ દ.આફ્રિકા સામેની સિરીઝ માટે ભારતની ટીમ જાહેર થઈ ગઈ છે. તેવામાં IPLમાં શાનદાર લયમાં જોવા મળી રહેલા સ્પીડ સ્ટાર ઉમરાન મલિકને તથા અર્શદીપ સિંહને ટીમ ઈન્ડિયામાં તક મળી ગઈ છે. આના સિવાય હાર્દિક પંડ્યા અને દિનેશ કાર્તિકને લાંબા બ્રેક પછી ટીમમાં ફરીથી એન્ટ્રી મળી ગઈ છે તો યંગ ટીમ ઈન્ડિયાની કેપ્ટનશિપ કે.એલ.રાહુલને સોંપવામાં આવી છે. તો બીજીતરફ બંને ટીમો વચ્ચે 5 T20 મેચની સિરીઝ રમાશે, ત્યારપછી ભારતીય ટીમ 2 T20 મેચ રમવા માટે આયરલેન્ડ જશે. તેવામાં T20 વર્લ્ડ કપ પહેલા ભારતીય સિલેક્ટર્સે IPL સ્ટાર્સને તક આપી છે.
T20 સિરીઝ માટે ટીમ ઈન્ડિયા
કેએલ રાહુલ (કેપ્ટન), ઋતુરાજ ગાયકવાડ, ઈશાન કિશન, દીપક હુડા, શ્રેયસ અય્યર, રિષભ પંત, દિનેશ કાર્તિક, હાર્દિક પંડ્યા, વેંકટેશ અય્યર, યુઝવેન્દ્ર ચહલ, કુલદીપ યાદવ, અક્ષર પટેલ, રવિ બિશ્નોઈ, ભુવનેશ્વર કુમાર, હર્ષલ પટેલ , આવેશ ખાન , અર્શદીપ સિંહ , ઉમરાન મલિક.
ઈંગ્લેન્ડ સામે એકમાત્ર ટેસ્ટ માટે ટીમની જાહેરાત
ટી20 ટીમ ઉપરાંત ક્રિકેટ બોર્ડે ઈંગ્લેન્ડ સિરીઝ દરમિયાન કોરોનાને કારણે મુલતવી રાખવામાં આવેલી એકમાત્ર ટેસ્ટ માટે પણ ટીમની જાહેરાત કરી દીધી છે. જેમાં રોહિત શર્મા, વિરાટ કોહલી, રિષભ પંત અને જસપ્રિત બુમરાહનો સમાવેશ થયો છે. જેથી તેમને T20 સીરીઝ માટે આરામ આપવામાં આવ્યો છે.
ઈંગ્લેન્ડ ટેસ્ટ માટે ટીમ ઈન્ડિયા । રોહિત શર્મા (કેપ્ટન), કેએલ રાહુલ, શુભમન ગિલ, વિરાટ કોહલી, શ્રેયસ અય્યર, હનુમા વિહારી, ચેતેશ્વર પૂજારા, રિષભ પંત (વિકેટકીપર), કેએસ ભરત (વિકેટકીપર), રવીન્દ્ર જાડેજા, આર અશ્વિન, શાર્દુલ ઠાકુર , મોહમ્મદ શમી, જસપ્રિત બુમરાહ, મોહમ્મદ સિરાજ, ઉમેશ યાદવ, પ્રસિદ્ધ ક્રિષ્ણા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
