Face Of Nation 30-05-2022 : થોડાં સમય પહેલાં જ આમિર ખાન પાણીપુરી ખાતો જોવા મળ્યો હતો. એ પહેલાં ટીવી એક્ટ્રેસ રૂબીના દિલૈકે પરિવાર સાથે પાણીપુરીની મજા લીધી હતી. હાલમાં જ ટીવી એક્ટ્રેસ કામ્યા પંજાબીએ પાણીપુરી ખાધી હતી. જોકે, પાણીપુરી ખાતાં સમયે એક્ટ્રેસ એક લાખ રૂપિયા ભરેલું પર્સ ત્યાં જ મૂકીને આવી ગઈ હતી.
સાઇડ આ કવર મૂક્યું અને પાણીપુરી ખાવા લાગી
કામ્યા થોડાં સમય પહેલાં ઈન્દોર ગઈ હતી. અહીંયા તે પાણીપુરીની દુકાનમાં એક લાખ રૂપિયા ભૂલીને આવી હતી. મીડિયા સાથેની વાતચીતમાં કામ્યાએ કહ્યું હતું, ‘હું રવિવારના રોજ ઇવેન્ટ માટે ઈન્દોર ગઈ હતી. જ્યારે પરત ફરતી હતી ત્યારે મારા મેનેજરે અહીંયાની એક દુકાનની ફેમસ પાણીપુરીની વાત કરી હતી. ઈન્દોર આમ પણ ચાટ માટે લોકપ્રિય છે. હું મારી જાતને રોકી ના શકી અને પાણીપુરી ખાવાનું નક્કી કર્યું. આ દરમિયાન મારી પાસે એક કવર હતું. આ કવરમાં એક લાખ રૂપિયા હતા. મેં ટેબલ પર એક સાઇડ આ કવર મૂકી દીધું અને પાણીપુરી ખાવા લાગી. ફોટોમાં એટલી બિઝી થઈ ગઈ કે હું કવર લેવાનું જ ભૂલી ગઈ.’
મેનેજર ત્યાં પહોંચ્યો તો તે કવર ત્યાં જ હતું
કામ્યાના જણાવ્યા પ્રમાણે, ‘જ્યારે હું હોટલ ગઈ ત્યારે મને ખ્યાલ આવ્યો કે મારી પાસે પૈસાનું કવર જ નથી. હું તે કવર પાણીપુરીની દુકાન પર જ ભૂલીને આવી છું. મેં તરત જ મેનેજરને આ વાત કહી. મારો મેનેજર પાણીપુરીની દુકાને ગયો. અહીંયા હું હોટલમાં આમતેમ આંટા મારતી હતી અને બસ એ પ્રાર્થના કરતી હતી કે તે કવર મળી જાય. મનમાં એમ જ વિચારતી હતી કે જો કવર મળી ગયું તો હું મારા નસીબનો આભાર માનીશ, કારણ કે તે જગ્યાએ ઘણી જ ભીડ હતી. મારો મેનેજર ત્યાં પહોંચ્યો તો તે કવર ત્યાં જ પડ્યું હતું જ્યાં મેં મૂક્યું હતું. પછી મેનેજરે પાણીપુરીના સ્ટોલના માલિક દિનેશ ગુર્જર સાથે વાત કરી હતી અને કવર લીધું હતું. મને બહુ ટેન્શન હતું. મને તો એમ જ હતું કે પેકેટ નહીં જ મળે. મને લાગે છે કે ઈન્દોરના લોકો ઘણાં જ સારા છે.’ (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
